Read the New Testament in 24 Weeks

4 Saan nagbubuhat ang mga pagbabaka at saan nagbubuhat ang mga pagaaway sa inyo? hindi baga nagbubuhat dito, sa inyong mga ^(A)kalayawan ^(B)na bumabaka sa inyong mga sangkap?

² Kayo'y nangagiimbot, at kayo'y wala: ^(C)kayo'y nagsisipatay, at kayo'y nangaiinggit, at hindi maaaring kamtan: kayo'y nangakikipagaway at nangakikipagbaka; kayo'y wala, sapagka't hindi kayo nagsisihingi.

³ Kayo'y nagsisihingi, at hindi kayo nagsisitanggap, ^(D)sapagka't nagsisihingi kayo ng masama, upang gugulin sa inyong mga kalayawan.

⁴ Kayong ^(E)mga mangangalunya, hindi baga ninyo nalalaman na ^(F)ang pakikipagkaibigan sa sanglibutan ay pakikipagaway sa Dios? ^(G)Sinoman ngang magibig na maging kaibigan ng sanglibutan ay nagiging kaaway ng Dios.

⁵ O iniisip baga ninyo na ang kasulatan ay nagsasalita ng walang kabuluhan? Ang ^(H)Espiritu baga na pinatira sa atin ay nagnanais hanggang sa kapanaghilian?

⁶ Nguni't siya'y nagbibigay ng lalong biyaya. Kaya't sinasabi ng kasulatan, Ang ^(I)Dios ay sumasalansang sa mga palalo, datapuwa't nagbibigay ng biyaya sa mga mapagpakumbaba.

⁷ Pasakop nga kayo sa Dios; datapuwa't magsisalangsang kayo sa diablo, at tatakas siya sa inyo.

⁸ Magsilapit kayo sa Dios, at siya'y lalapit sa inyo. Mangaglinis kayo ng inyong mga kamay, kayong mga makasalanan; at ^(J)dalisayin ninyo ang inyong mga puso, kayong mga ^(K)may dalawang akala.

⁹ Kayo'y mangagpighati, at magsihibik, at magsitangis: inyong palitan ang inyong pagtawa ng paghibik, at ang inyong kagalakan ng kalumbayan.

¹⁰ Mangagpakababa kayo ^(L)sa paningin ng Panginoon, at kaniyang itataas kayo.

^11 (M)Huwag kayong mangagsalita ng laban sa isa't isa, mga kapatid. Ang nagsasalita laban sa kapatid, ^(N)o humahatol sa kaniyang kapatid, ay ^(O)nagsasalita laban sa kautusan, at humahatol sa kautusan: datapuwa't kung ikaw ay humahatol sa kautusan, hindi ka na tagatupad ng kautusan, kundi hukom.

¹² Iisa ang tagapagbigay ng kautusan at hukom, sa makatuwid baga'y ang makapagliligtas at ^(P)makapagwawasak: datapuwa't ^(Q)sino ka na humahatol sa iyong kapuwa?

^13 (R)Magsiparito ngayon, kayong nagsisipagsabi, ^(S)Ngayon o bukas ay magsisiparoon kami sa gayong bayan, at titira kami doong isang taon, at mangangalakal, at magtutubo:

¹⁴ Kayo ngang hindi nakaaalam ng mangyayari bukas. Ano ang inyong buhay? ^(T)Kayo nga'y isang singaw na sa sangdaling panahon ay lumilitaw, at pagdaka'y napapawi.

¹⁵ Sapagka't ang dapat ninyong sabihin ay, Kung loloobin ng Panginoon ay mangabubuhay kami, at gagawin namin ito o yaon.

¹⁶ Datapuwa't ngayon ay nagmamapuri kayo sa inyong mga pagpapalalo: ^(U)ang lahat ng ganitong pagmamapuri ay masama.

^17 (V)Sa nakakaalam nga ng paggawa ng mabuti, at hindi ginagawa, ito'y kasalanan sa kaniya.

5 ^(W)Magsiparito ^(X)ngayon, kayong mayayaman, kayo'y magsitangis at magsihagulhol dahil sa mga karalitaan ninyong sa inyo'y darating.

² Ang inyong mga kayamanan ay mga bulok, at ang ^(Y)inyong mga damit ay nginangatngat ng tanga.

³ Ang inyong ginto at ang inyong pilak ay kinakalawang na; at ang mga kalawang na ito ay siyang magiging patotoo laban sa inyo, at gaya ng apoy na lalamunin ang inyong laman. ^(Z)Kayo'y nagtipon ng inyong mga kayamanan ^(AA)sa mga huling araw.

⁴ Narito, ang kaupahan ^(AB)ng mga manggagawa na nagsiani sa inyong mga bukid, na iniring ninyo sa pamamagitan ng daya, ay humihibik: at ^(AC)ang mga hibik ng mga nagsiani ay nagsipasok sa mga pakinig ng Panginoon ng ^(AD)mga hukbo.

⁵ Kayo'y nangabuhay ng tamasa sa ibabaw ng lupa, at nangagalak; inyong pinataba ang inyong mga puso sa ^(AE)araw ng patayan.

^6 (AF)Inyong hinatulan, ^(AG)inyong pinatay ang matuwid; hindi niya kayo nilalabanan.

⁷ Mangagtiis nga kayo, mga kapatid, hanggang sa ^(AH)pagparito ng Panginoon. Narito, inaasahan ng magsasaka ang mahalagang bunga ng lupa, na may pagtitiis, hanggang sa tanggapin ang ulang ^(AI)maaga at huli.

⁸ Mangagtiis din naman kayo; ^(AJ)pagtibayin ninyo ang inyong mga puso, sapagka't ang pagparito ng Panginoon ay malapit na.

⁹ Huwag kayong mangagupasalaan, mga kapatid, laban sa isa't isa, upang kayo'y huwag mahatulan; narito, ang hukom ^(AK)ay nakatayo sa harapan ng mga pinto.

^10 (AL)Kunan ninyong halimbawa ng pagbabata at ng pagtitiis, mga kapatid, ang mga propeta na nagsipagsalita sa pangalan ng Panginoon.

¹¹ Narito, ^(AM)tinatawag nating mapapalad ang nangagtiis: inyong nabalitaan ^(AN)ang pagtitiis ni Job, at inyong nakita ^(AO)ang pinapangyari ng Panginoon, kung gaano ang lubos na pagkahabag at ang pagkamaawain ng Panginoon.

¹² Nguni't higit sa lahat ng mga bagay, mga kapatid ko, ay ^(AP)huwag ninyong ipanumpa, kahit ang langit, ni ang lupa, ni ang anomang ibang sumpa: kundi ang inyong oo, ay maging oo; at ang inyong hindi, ay maging hindi; upang kayo'y huwag mangahulog sa ilalim ng hatol.

¹³ Nagbabata baga ang sinoman sa inyo? siya'y manalangin. Natutuwa ang sinoman? ^(AQ)awitin niya ang mga pagpupuri.

¹⁴ May sakit baga ang sinoman sa inyo? ipatawag niya ^(AR)ang mga matanda sa iglesia; at ipanalangin nila siya, ^(AS)na pahiran nila ng langis sa pangalan ng Panginoon:

¹⁵ At ang panalangin ng pananampalataya ay magliligtas sa may sakit, at ibabangon siya ng Panginoon; ^(AT)at kung nagkasala siya, ay ipatatawad sa kaniya.

¹⁶ Mangagpahayagan nga kayo sa isa't isa ng inyong mga kasalanan, at ipanalangin ng isa't isa ang iba, upang kayo'y magsigaling. Malaki ang nagagawa ^(AU)ng maningas ^(AV)na panalangin ng taong matuwid.

¹⁷ Si Elias ay isang taong may pagkataong gaya rin ng atin, at siya'y nanalangin ng buong ningas upang huwag umulan; ^(AW)at hindi umulan sa lupa sa loob ng tatlong taon at anim na buwan.

¹⁸ At muli siyang nanalangin; at ang langit ay ^(AX)nagbigay ng ulan, at ang lupa ay namunga ng kaniyang bunga.

¹⁹ Mga kapatid ko, ^(AY)kung ang sinoman sa inyo ay nalilihis sa katotohanan, at siya'y papagbaliking loob ng sinoman;

²⁰ Ay alamin nito na ang nagpapabalik-loob ng isang makasalanan, mula sa kamalian ng lakad niya ay magliligtas ng isang kaluluwa sa kamatayan, at ^(AZ)magtatakip ng karamihang kasalanan.