Read the New Testament in 24 Weeks

1 Si ^(A)Pablo, na apostol ni Cristo Jesus sa pamamagitan ng kalooban ng Dios, sa mga banal na nangasa Efeso, ^(B)at sa mga tapat kay Cristo Jesus:

² Sumainyo nawa ang biyaya at kapayapaang mula sa Dios na ating Ama at sa Panginoong Jesucristo.

^3 (C)Purihin nawa ang Dios at Ama ng ating Panginoong Jesucristo, na siyang nagpala sa atin ng bawa't pagpapalang ^(D)ukol sa espiritu sa sangkalangitan kay Cristo:

⁴ Ayon sa pagkapili niya sa atin ^(E)sa kaniya bago itinatag ang sanglibutan, upang tayo'y maging mga banal at mga walang dungis ^(F)sa harapan niya sa pagibig:

⁵ Na tayo'y itinalaga niya nang una pa ^(G)sa pagkukupkop na tulad sa mga anak ^(H)sa pamamagitan ni Jesucristo sa ganang kaniya, ^(I)ayon sa minagaling ng kaniyang kalooban,

⁶ Sa ikapupuri ng kaluwalhatian ng kaniyang biyaya, na sa atin ay ipinagkaloob na masagana sa ^(J)Minamahal:

⁷ Na sa kaniya'y mayroon tayo ng ating katubusan sa pamamagitan ng kaniyang dugo, ^(K)na kapatawaran ng ating mga kasalanan, ayon sa mga kayamanan ng kaniyang biyaya,

⁸ Na pinasagana niya sa atin, sa buong ^(L)karunungan at katalinuhan,

⁹ Na ipinakikilala niya sa atin ang hiwaga ^(M)ng kaniyang kalooban, ayon sa kaniyang minagaling na ipinasiya niya sa kaniya rin.

¹⁰ Sa pagiging katiwala sa kaganapan ng mga panahon, ^(N)upang tipunin ang ^(O)lahat ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko,

¹¹ Tayo rin naman sa kaniya ay ^(P)ginawang mana, na itinalaga na niya tayo nang una pa ^(Q)ayon sa pasiya niyaong gumagawa ng lahat ng mga bagay ayon sa pasiya ng kaniyang kalooban;

^12 (R)Upang tayo'y maging kapurihan ng kaniyang kaluwalhatian, tayong nagsiasa nang una kay Cristo:

¹³ Na sa kaniya'y kayo rin naman, pagkarinig ng aral ng katotohanan, ng evangelio ng inyong kaligtasan,—na sa kaniya rin naman, mula nang kayo'y magsisampalataya, ay kayo'y tinatakan ^(S)ng Espiritu Santo, na ipinangako,

¹⁴ Na siyang patotoo ^(T)sa ating mana, hanggang sa ikatutubos ^(U)ng sariling pagaari ng Dios, ^(V)sa ikapupuri ng kaniyang kaluwalhatian.

¹⁵ Dahil dito ako rin naman, ^(W)pagkarinig ng pananampalataya sa Panginoong Jesus na nasa inyo, at ng pagibig na inyong ipinakita sa lahat ng mga banal,

¹⁶ Ay ^(X)hindi ako tumitigil ng pagpapasalamat dahil sa inyo, na aking binabanggit kayo sa aking mga panalangin;

¹⁷ Upang ipagkaloob sa inyo ng Dios ng ating Panginoong Jesucristo, ^(Y)ng Ama ng kaluwalhatian, ang espiritu ng karunungan at ng pahayag sa pagkakilala sa kaniya;

¹⁸ Yamang naliwanagan ang mga mata ng inyong puso, upang maalaman ninyo kung ano ^(Z)ang pagasa sa kaniyang pagtawag, kung ano ang mga kayamanan ng kaluwalhatian ng kaniyang ^(AA)pamana sa mga banal,

¹⁹ At kung ano ang dakilang kalakhan ng kaniyang kapangyarihan sa ating nagsisisampalataya, ^(AB)ayon sa gawa ng kapangyarihan ng kaniyang lakas,

²⁰ Na kaniyang ginawa kay Cristo, ^(AC)nang ito'y kaniyang buhaying maguli sa mga patay, at ^(AD)pinaupo sa kaniyang kanan ^(AE)sa sangkalangitan,

²¹ Sa kaibaibabawan ng ^(AF)lahat na ^(AG)pamunuan, at kapamahalaan, at kapangyarihan, at pagkasakop, at sa ^(AH)bawa't pangalan na ipinangungusap, hindi lamang sa sanglibutang ito, kundi naman sa darating:

²² At ang lahat ng mga bagay ay ^(AI)pinasuko niya sa ilalim ng kaniyang mga paa, at siyang pinagkaloobang ^(AJ)maging pangulo ng lahat ng mga bagay sa iglesia,

^23 (AK)Na siyang katawan niya, ^(AL)na kapuspusan niyaong ^(AM)pumupuspos ng lahat sa lahat.

2 At kayo'y binuhay niya, ^(AN)nang kayo'y mga patay dahil sa inyong mga pagsalangsang at mga kasalanan,

² Na inyong nilakaran ^(AO)noong una ayon sa ^(AP)lakad ng sanglibutang ito, ayon ^(AQ)sa pangulo ng mga kapangyarihan ng hangin, ng espiritu na ngayon ay gumagawa sa ^(AR)mga anak ng pagsuway;

³ Sa gitna ng mga yaon, tayo rin naman, ng ibang panahon ay nangabubuhay sa ^(AS)mga kahalayan ng ating laman, na ating ginagawa ang mga pita ng laman at ng pagiisip, at ^(AT)tayo noo'y katutubong mga anak ng kagalitan, gaya naman ng mga iba:—

⁴ Nguni't ang Dios, palibhasa'y mayaman sa awa, dahil sa kaniyang malaking pagibig na kaniyang iniibig sa atin,

⁵ Bagama't ^(AU)tayo'y mga patay dahil sa ating mga kasalanan, ^(AV)tayo'y binuhay na kalakip ni Cristo (sa pamamagitan ng biyaya kayo'y nangaligtas),

⁶ At tayo'y ibinangong kalakip niya, at pinaupong kasama niya ^(AW)sa sangkalangitan, kay Cristo Jesus:

⁷ Upang sa mga panahong darating ay maihayag niya ang dakilang kayamanan ng kaniyang biyaya sa kagandahang-loob sa atin kay Cristo Jesus:

⁸ Sapagka't sa biyaya ^(AX)kayo'y nangaligtas ^(AY)sa pamamagitan ng pananampalataya; at ito'y hindi sa inyong sarili, ^(AZ)ito'y kaloob ng Dios;

⁹ Hindi sa pamamagitan ng mga gawa, ^(BA)upang ang sinoman ay huwag magmapuri.

¹⁰ Sapagka't tayo'y kaniyang gawa, na nilalang kay Cristo Jesus para sa mabubuting gawa, ^(BB)na mga inihanda ng Dios nang una upang siya nating lakaran.

¹¹ Kaya nga ^(BC)alalahanin ninyo, na kayo noong una, mga Gentil sa laman, tinatawag na Di-pagtutuli niyaong tinatawag na ^(BD)Pagtutuli sa laman, na ginawa ng mga kamay:

¹² Na kayo nang panahong yaon ay mga hiwalay kay Cristo, na mga di kabilang sa bansa ng Israel, at mga taga ibang lupa tungkol sa ^(BE)mga tipan ng pangako, na ^(BF)walang pagasa at walang Dios sa sanglibutan.

¹³ Datapuwa't ngayon kay Cristo Jesus kayo na noong panahon ay nalalayo ^(BG)ay inilapit sa dugo ni Cristo.

¹⁴ Sapagka't siya ang ating kapayapaan, ^(BH)na kaniyang pinagisa ang dalawa, at iginiba ang pader na nasa gitna na nagpapahiwalay,

¹⁵ Na inalis ^(BI)ang pagkakaalit ^(BJ)sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang ^(BK)taong bago, sa ganito'y ginagawa ang kapayapaan;

¹⁶ At ^(BL)upang papagkasunduin silang dalawa sa ^(BM)isang katawan sa Dios sa pamamagitan ng krus, ^(BN)na sa kaniya'y pinatay ang pagkakaalit.

¹⁷ At siya'y naparito ^(BO)at ipinangaral ang kapayapaan sa inyong nalalayo, at ang kapayapaan sa nangalalapit:

¹⁸ Sapagka't ^(BP)sa pamamagitan niya ^(BQ)tayo'y may pagpasok sa ^(BR)isang Espiritu rin sa Ama.

¹⁹ Kaya nga hindi na kayo mga ^(BS)taga ibang lupa at mga manglalakbay, kundi kayo'y mga ^(BT)kababayan na kasama ng mga banal, at sangbahayan ng Dios,

^20 (BU)Na mga itinatayo sa ibabaw ng kinasasaligan ng mga ^(BV)apostol at ng mga ^(BW)propeta, na si Cristo Jesus din ^(BX)ang pangulong bato sa panulok;

²¹ Na sa kaniya'y ang buong gusali, na nakalapat na mabuti, ay lumalago upang maging ^(BY)isang templong banal sa Panginoon;

²² Na sa kaniya'y itinayo naman ^(BZ)kayo upang maging tahanan ng Dios sa Espiritu.