Bible in 90 Days

⁶ Lumu nnali nnyimiridde
    ku ddirisa ly’ennyumba yange.
^7 (E)Ne ndaba mu bavubuka abatoototo,
    omulenzi atalina magezi,
⁸ ng’ayita mu luguudo okumpi n’akafo k’omukazi omwenzi,
    n’akwata ekkubo eridda ku nnyumba y’omukazi oyo,
^9 (F)olw’eggulo ng’obudde buzibye,
    ekizikiza nga kikutte.

¹⁰ Awo omukazi n’ajja okumusisinkana
    ng’ayambadde nga malaaya, ng’ajjudde ebirowoozo eby’obukaba mu mutima gwe.
^11 (G)Omukazi omukalukalu,
    atambulatambula ennyo atabeerako waka,
^12 (H)wuuyo mu luguudo, wuuyo mu bifo ebikuŋŋaanirwamu,
    mu buli kafo konna ng’ateega!
^13 (I)N’amuvumbagira, n’amunywegera
    era ng’amutunuulidde nkaliriza n’amaaso agatatya n’amugamba nti:

^14 (J)“Nnina ssaddaaka ez’ebiweebwayo olw’emirembe,
    leero ntukiriza obweyamo bwange.
¹⁵ Noolwekyo nzize okukusisinkana,
    mbadde njagala nnyo okukulaba, era kaakano nkusanze.
¹⁶ Obuliri bwange mbwaze bulungi
    n’engoye eza linena ava mu Misiri.
^17 (K)Mbukubye n’akaloosa,
    n’omugavu, n’obubaane, ne kinamoni, ne kalifuuwa.
^18 (L)Jjangu tuwoomerwe omukwano okutuusa obudde okukya;
    leka twesanyuse ffembi mu mukwano.
¹⁹ Kubanga baze taliiyo eka;
    yatambula olugendo luwanvu:
²⁰ Yagenda n’ensawo y’ensimbi;
    era alikomawo nga wayiseewo wiiki bbiri.”

^21 (M)Yamusendasenda n’ebigambo ebisikiriza;
    n’amuwabya n’ebigambo ebiwoomerera.
^22 (N)Amangwago omuvubuka n’amugoberera
    ng’ente etwalibwa okuttibwa
obanga empeewo egwa mu mutego,
^{23     (O)}okutuusa akasaale lwe kafumita ekibumba kyayo,
ng’akanyonyi bwe kanguwa okugwa mu mutego,
    so tamanyi ng’alifiirwa obulamu bwe.

^24 (P)Kaakano nno batabani bange mumpulirize,
    era musseeyo nnyo omwoyo eri ebigambo byange.
^25 (Q)Temukkiriza mitima gyammwe kugoberera bigambo bye;
    temukkiriza bigere byammwe kukyamira mu makubo ge.
²⁶ Kubanga bangi bazikiridde,
    ddala ab’amaanyi bangi bagudde.
^27 (R)Ennyumba ye, lye kkubo eridda emagombe,
    nga likka mu bisenge eby’okufa.

^12 (Y)Nze Magezi, mbeera wamu n’okuteesa okulungi,
    era mu nze mulimu okumanya n’okwawula ekirungi n’ekibi.
^13 (Z)Okutya Mukama kwe kukyawa ekibi;
    nkyawa amalala n’okwemanya,
    n’obuteeyisa bulungi n’enjogera ey’obubambaavu.
^14 (AA)Okuteesa okulungi n’okusalawo okw’amagezi bye byange;
    ntegeera era ndi wa buyinza.
^15 (AB)Ku bwange, Magezi, bakabaka bafuga,
    abafuzi ne bakola amateeka ag’obwenkanya.
¹⁶ Abalangira bafuga ku bwange,
    n’abakungu bonna abafuga ku nsi.
^17 (AC)Njagala abo abanjagala,
    n’abo abanyiikira okunnoonya bandaba.
^18 (AD)Obugagga n’ekitiibwa biri mu nze,
    obugagga obutakoma n’okukulaakulana.
^19 (AE)Ekibala kyange kisinga zaabu ennongoose,
    n’ebinvaamu bisinga ffeeza ey’omuwendo omungi.
²⁰ Ntambulira mu kkubo ery’obutuukirivu,
    mu kkubo ery’obwenkanya,
^21 (AF)n’abo abanjagala mbagaggawaza
    era nzijuza amawanika gaabwe.

²² Mukama nze gwe yasooka okwoleka
    nga tannabaako kirala ky’akola.
²³ Nateekebwawo dda nnyo,
    ku lubereberye ng’ensi tennabaawo.
^24 (AG)Nateekebwawo ng’obuziba bw’ennyanja tebunnateekebwawo,
    nga n’emigga egireeta amazzi teginnabaawo,
^25 (AH)ng’ensozi tezinnateekebwa mu bifo byazo,
    nga n’obusozi tebunnabaawo;
^26 (AI)nga tannakola nsi newaakubadde amalundiro gaakwo,
    wadde enfuufu eyasooka ey’oku nsi.
^27 (AJ)Naliwo ng’ateekawo eggulu mu kifo kyalyo,
    ne bwe yakola enkulungo kungulu ku buziba,
²⁸ ate ne bwe yawanika ebire n’abinywereza waggulu mu bbanga,
    n’anywereza ddala ensulo z’amazzi,
^29 (AK)bwe yawa ennyanja ensalo zaazo we zikoma,
    amazzi galeme kusukka we yagalagira,
    ne bwe yali ng’alamba emisingi gy’ensi.
^30 (AL)Nnali naye ng’omukozi omukugu,
    nga nzijudde essanyu lye erya buli lunaku,
    nga nsanyukira mu maaso ge bulijjo,
^31 (AM)nga nsanyukira mu nsi ye yonna,
    era nga ne nesiima olw’abaana b’abantu.

^32 (AN)Kale nno, batabani bange mumpulirize;
    balina omukisa abo abakwata amakubo gange!
³³ Muwulirizenga okuyigirizibwa, mubenga n’amagezi,
    so temugalekanga.
^34 (AO)Alina omukisa omuntu ampuliriza,
    alindirira nga bw’akuuma ku nzigi zange
    buli lunaku.
^35 (AP)Kubanga buli andaba afuna obulamu,
    era afuna okuganja eri Mukama.
^36 (AQ)Oyo atannoonya yeerumya yekka,
    era n’abo bonna abankyawa banoonya kufa.

^7 (AX)Oyo anenya omunyoomi ayolekera kuvumwa,
    n’oyo abuulirira omukozi w’ebibi yeeretera kuvumibwa.
^8 (AY)Tonenyanga munyoomi, aleme okukukyawa, naye
    nenya ow’amagezi naye anaakwagalanga.
^9 (AZ)Yigirizanga ow’amagezi naye aneeyongeranga okuba n’amagezi,
    yigirizanga omutuukirivu, aneeyongerangako okuyiga.

^10 (BA)“Mu kutya Mukama amagezi mwe gasookera,
    era n’okumanya oyo Omutukuvu Katonda, kwe kutegeera.
^11 (BB)Ku lwange oliwangaala emyaka mingi nnyo,
    era olyongerwako emyaka.
¹² Bw’obeera omugezi, amagezi go gakuyamba,
    naye bw’onyooma amagezi weerumya wekka.”

^13 (BC)Omukazi omusirusiru aleekaana,
    taba na mpisa era taba na magezi!
^14 (BD)Era atuula mu mulyango gw’ennyumba ye,
    ne ku ntebe mu bifo eby’ekibuga ebisinga obugulumivu,
¹⁵ ng’akoowoola abo abayitawo,
    ababa batambula amakubo gaabwe abali ku byabwe.
¹⁶ Abagamba nti, “Buli alina okumanya okutono ajje muno.”
    Era eri oyo atalina kutegeera agamba nti,
^17 (BE)“Amazzi amabbe nga gawooma!
    emmere eriibwa mu kyama ng’ewooma!”
^18 (BF)Naye oyo agwa mu kitimba kye tamanya nti nnyumba yakuzikirira,
    era nti abagenyi be bali mu buziba obw’emagombe.

^2 (BH)Eby’obugagga ebifuniddwa mu makubo amakyamu tebirina kye bigasa,
    naye abatuukirivu banunulwa okuva mu kufa.

^3 (BI)Mukama taalekenga mutuukirivu we kufa njala,
    naye aziyiza abakozi b’ebibi okufuna bye beetaaga.

^4 (BJ)Emikono emigayaavu gyavuwaza,
    naye emikono eminyiikivu gireeta obugagga.

⁵ Omuvubuka ow’amagezi akungulira mu biseera ebituufu,
    naye oyo eyeebakira mu biro eby’okukunguliramu mwana aswaza ennyo.

^6 (BK)Omukisa gubeera ku mutwe gw’omutuukirivu,
    naye akamwa k’omukozi w’ebibi kajjula obukambwe.

^7 (BL)Omutuukirivu anajjukirwanga n’essanyu,
    naye erinnya ly’omubi linaavundanga.

^8 (BM)Alina omutima ogw’amagezi agondera ebiragiro,
    naye omusirusiru ayogerayogera, azikirizibwa.

^9 (BN)Atambulira mu bwesimbu y’atambula emirembe,
    naye akwata amakubo amakyamu alitegeerebwa.

^10 (BO)Oyo atta ku liiso ng’akweka amazima aleeta ennaku,
    n’omusirusiru ayogerayogera alizikirizibwa.

^11 (BP)Akamwa ak’omutuukirivu nsulo ya bulamu,
    naye akamwa k’omukozi w’ebibi kajjula bulabe.

^12 (BQ)Obukyayi buleeta enjawukana,
    naye okwagala kubikka ku bibi bingi.

^13 (BR)Amagezi gasangibwa ku mimwa gy’oyo alina okutegeera,
    naye omuggo gukangavvula oyo atamanyi kusalawo bulungi.

^14 (BS)Abantu ab’amagezi batereka okumanya,
    naye akamwa k’omusirusiru kaaniriza kuzikirira.

^15 (BT)Obugagga bw’omugagga kye kibuga kye ekiriko ebigo,
    naye obwavu kwe kuzikirira kw’omwavu.

^16 (BU)Empeera y’omutuukirivu bulamu,
    naye empeera y’omukozi w’ebibi emuleetera kubonerezebwa.

^17 (BV)Oyo assaayo omwoyo eri okubuulirirwa aba mu kkubo ery’obulamu,
    naye oyo atassaayo mwoyo ku kunenyezebwa aleetera abalala okuwaba.

¹⁸ Oyo akisa obukyayi alina emimwa egirimba,
    era omuntu akonjera, musirusiru.

^19 (BW)Mu bigambo ebingi temubula kwonoona,
    naye akuuma olulimi lwe aba wa magezi.

²⁰ Olulimi lw’omutuukirivu ffeeza ya muwendo,
    naye omutima gw’omukozi w’ebibi gugasa katono.

^21 (BX)Ebigambo by’omutuukirivu biriisa abantu bangi,
    naye abasirusiru bazikirira olw’okubulwa amagezi.

^22 (BY)Omukisa gwa Mukama guleeta obugagga
    era tagwongerako buyinike.

^24 (CA)Omukozi w’ebibi ky’atayagala kirimutuukako,
    naye abatuukirivu bye baagala biribaweebwa.

^25 (CB)Embuyaga bw’ejja, abakozi b’ebibi batwalibwa,
    naye abatuukirivu banywera emirembe gyonna.

^26 (CC)Ng’omususa bwe gunyeenyeza amannyo, n’omukka nga bwe gubalagala mu maaso,
    n’omugayaavu bw’abeera bw’atyo eri abamutuma.

^27 (CD)Okutya Mukama kuwangaaza omuntu,
    naye emyaka gy’ababi girisalibwako.

^28 (CE)Essuubi ly’abatuukirivu livaamu ssanyu,
    naye okusuubira kw’abakozi b’ebibi tekulivaamu kantu.

^29 (CF)Ekkubo lya Mukama kye kiddukiro ky’abatuukirivu, naye abakozi b’ebibi libasaanyaawo.

^30 (CG)Abatuukirivu tebajjululwenga ennaku zonna,
    naye abakozi b’ebibi tebalisigala mu nsi.

^31 (CH)Akamwa k’omutuukirivu koogera eby’amagezi,
    naye olulimi olwogera eby’obubambavu lulisalibwamu.

^32 (CI)Emimwa gy’omutuukirivu gyogera ebisaanidde;
    naye emimwa gy’omukozi w’ebibi gyogera eby’obubambavu.

11 ^(CJ)Minzaani eteri ya mazima ya muzizo eri Mukama,
    naye ebipimo ebituufu bye bimusanyusa.

^2 (CK)Amalala bwe gajja, ng’obuswavu butuuse,
    naye obwetoowaze buleeta amagezi.

^3 (CL)Obwesimbu bw’abatuukirivu bubaluŋŋamya,
    naye enkwe z’abatali beesigwa zibazikirizisa.

^4 (CM)Obugagga tebugasa ku lunaku olw’okusalirwako omusango,
    naye obutuukirivu buwonya okufa.

^5 (CN)Obutuukirivu bw’abalongoofu bubatambuliza mu kkubo eggolokofu
    naye abakozi b’ebibi bagwa olw’ebikolwa byabwe ebibi.

⁶ Obutuukirivu bw’abagolokofu bubawonya,
    naye abatali beesigwa bagwa mu mutego olw’okwegomba ebibi.

^7 (CO)Omukozi w’ebibi bw’afa, essuubi lye libula,
    ne byonna bye yasuubira mu maanyi bikoma.

^8 (CP)Omutuukirivu aggyibwa mu mitawaana,
    naye jjijjira omukozi w’ebibi.

⁹ Akamwa k’oyo atatya Katonda, kazikiriza muliraanwa,
    naye olw’okumanya, abatuukirivu bawona.

^10 (CQ)Abatuukirivu bwe bakulaakulana ekibuga kijaguza;
    abakozi b’ebibi bwe bazikirira wawulirwawo amaloboozi ag’essanyu.

^11 (CR)Omukisa gw’abatuukirivu gukulaakulanya ekibuga:
    naye olw’akamwa k’abakozi b’ebibi, ekibuga kizikirizibwa.

^13 (CT)Aseetula olugambo atta obwesigwa,
    naye omuntu omwesigwa akuuma ekyama.

^14 (CU)Awatali kuluŋŋamizibwa eggwanga lidobonkana,
    naye abawi b’amagezi abangi baleeta obuwanguzi.

^15 (CV)Eyeeyimirira omuntu gw’atamanyiko alibonaabona,
    naye oyo akyawa okweyimirira aliba bulungi.

^16 (CW)Omukazi ow’ekisa aweebwa ekitiibwa,
    naye abasajja ab’amawaggali bakoma ku bugagga bwokka.

¹⁷ Omusajja alina ekisa aganyulwa,
    naye alina ettima yeereetako akabi.

^18 (CX)Omukozi w’ebibi afuna empeera ey’obukuusa,
    naye oyo asiga eby’obutuukirivu akungula empeera eya nnama ddala.

¹⁹ Omuntu omutuukirivu ddala alifuna obulamu,
    naye oyo akola ebitali bya butuukirivu alifa.

^20 (CY)Mukama akyawa abantu abalina emitima emikyamu,
    naye ab’amakubo amagolokofu be bamusanyusa.

^21 (CZ)Mutegeerere ddala ng’abakozi b’ebibi tebalirema kubonerezebwa,
    naye bazzukulu b’abatuukirivu tebalibaako musango.

²² Ng’empeta ya zaabu mu nnyindo y’embizzi,
    bw’atyo bw’abeera omukazi omulungi atalaba njawulo wakati w’ekirungi n’ekibi.

²³ Abatuukirivu bye beegomba bivaamu birungi byereere,
    naye abakozi b’ebibi bye bakola bisunguwaza.

^25 (DA)Omuntu agaba anagaggawalanga,
    n’oyo ayamba talibulako amuyamba.

²⁶ Abantu bakolimira oyo akweka eŋŋaano mu kiseera eky’obwetaavu,
    naye oyo agitunda mu kiseera ekyo afuna emikisa.

^27 (DB)Oyo anyiikira okukola obulungi afuna okuganja,
    naye oyo anoonya ekibi, kimujjira.

^28 (DC)Oyo eyeesiga obugagga bwe aligwa,
    naye abatuukirivu banaakulaakulananga ne baba ng’amalagala amalamu.

^29 (DD)Omuntu aleeta emitawaana mu maka g’ewaabwe, alisikira mpewo;
    era n’omusirusiru aliba muddu w’oyo alina omutima ogw’amagezi.

^30 (DE)Ekibala ky’omutuukirivu muti gwa bulamu,
    era n’oyo asikiriza emyoyo gy’abantu ne balokoka wa magezi.

^31 (DF)Obanga omutuukirivu alifuna ekimusaanidde ku nsi kuno,
    oyo atatya Katonda n’omwonoonyi balirema obutafuna ekibasaanidde?

12 ^(DG)Buli asanyukira okukangavvulwa ayagala amagezi;
    naye oyo akyawa okunenyezebwa musirusiru.

² Omuntu omulungi aganja mu maaso ga Mukama,
    naye Mukama asalira omusango omuntu ow’enkwe.

^3 (DH)Omuntu tanywezebwa lwa kukola bitali bya butuukirivu,
    naye omulandira gw’omutuukirivu tegulisigulwa.

^4 (DI)Omukyala ow’empisa ennungi ssanyu era ngule ya mwami we,
    naye omukazi eyeeyisa obubi ali nga kookolo mu magumba ga bba.

⁵ Enteekateeka z’omutuukirivu ziba za mazima,
    naye amagezi g’abakozi b’ebibi ge bawa gaba ga bulimba.

^6 (DJ)Ebiteeso by’abakozi b’ebibi kuyiwa musaayi,
    naye ebigambo by’abatuukirivu bye bibawonya.

^7 (DK)Abakozi b’ebibi bagwa ne basaanirawo ddala,
    naye ennyumba y’omutuukirivu teesagaasaganenga emirembe gyonna.

⁸ Ebigambo by’omugezi bimuleetera okusiimibwa,
    naye eby’omusirusiru bimunyoomesa.

⁹ Omuntu eyeetoowaza ne yeekolera,
    asinga oyo eyeegulumiza n’abulwa ky’alya.

¹⁰ Omutuukirivu afaayo ku bisolo bye,
    naye omukozi w’ebibi abiraga bukambwe bwereere.

^11 (DL)Oyo eyeerimira aliba n’emmere nnyingi,
    naye oyo anoonya ebitaliimu talina magezi.

¹² Abakozi b’ebibi baagala okubba omunyago gwa babbi bannaabwe,
    naye omulandira gw’abatuukirivu gunywera.

^13 (DM)Ebigambo by’omukozi w’ebibi bimusuula mu mitawaana,
    naye omutuukirivu awona akabi.

^14 (DN)Omuntu ajjuzibwa ebirungi okuva mu bibala bye bigambo by’akamwa ke,
    n’emirimu gy’emikono gye gimusasula bulungi.

^15 (DO)Ekkubo ly’omusirusiru ddungi mu kulaba kwe ye,
    naye omugezi assaayo omwoyo ku magezi agamuweebwa.

^16 (DP)Omusirusiru alaga mangu obusungu bwe,
    naye omutegeevu tassa mwoyo ku kivume.

^17 (DQ)Omujulizi ow’amazima awa obujulizi obutuufu,
    naye omujulizi ow’obulimba ayogera bya bulimba.

^18 (DR)Ebigambo ebyanguyirize bisala ng’ekitala ekyogi,
    naye olulimi lw’omuntu omugezi luwonya.

¹⁹ Emimwa egyogera amazima gibeerera emirembe gyonna,
    naye olulimi olulimba lwa kiseera buseera.

²⁰ Obulimba buli mu mitima gyabo abategeka okukola ebibi,
    naye essanyu liri n’abo abakolerera emirembe.

^21 (DS)Tewali kabi konna kagwa ku batuukirivu,
    naye abakozi b’ebibi tebaggwaako mitawaana.

^22 (DT)Mukama akyawa emimwa egirimba,
    naye asanyukira ab’amazima.

^23 (DU)Omuntu omutegeevu talaga nnyo by’amanyi,
    naye abasirusiru balaga obutamanya bwabwe.

^24 (DV)Omukono gw’omunyiikivu gulimufuula omufuzi,
    naye obugayaavu bufuula omuntu omuddu.

^25 (DW)Omutima ogweraliikirira guleetera omuntu okwennyika,
    naye ekigambo eky’ekisa kimusanyusa.

²⁶ Omutuukirivu yeegendereza mu mikwano gye,
    naye ekkubo ly’ababi libabuza.

²⁷ Omuntu omugayaavu tayokya muyiggo gwe,
    naye omunyiikivu kyayizze, kiba kya muwendo gyali.

^28 (DX)Mu kkubo ery’obutuukirivu mulimu obulamu,
    era mu kkubo eryo temuli kufa.

^2 (DZ)Omuntu asanyuka olw’ebirungi ebiva mu bibala bya kamwa ke,
    naye atali mwesigwa yeegomba kuleeta ntalo.

^3 (EA)Oyo eyeegendereza by’ayogera akuuma obulamu bwe,
    naye oyo amala googera, alizikirira.

⁴ Omuntu omugayaavu yeegomba kyokka n’atabaako ky’afuna,
    naye omunyiikivu byayagala byonna abifuna.

⁵ Omuntu omutuukirivu akyawa obulimba,
    naye omukozi w’ebibi yeereetera kunyoomebwa.

^6 (EB)Obutuukirivu bukuuma omuntu omwesimbu,
    naye okukola ebibi kuzikiriza omwonoonyi.

^7 (EC)Omuntu omu ayinza okwefuula omugagga ate nga taliiko ky’alina,
    ate omulala ne yeefuula okuba omwavu so nga mugagga nnyo.

⁸ Obugagga bw’omuntu buyinza okumununula,
    naye omwavu talina ky’atya.

^9 (ED)Ekitangaala ky’abatuukirivu kyaka nnyo,
    naye ettaala y’abakozi b’ebibi ezikira.

¹⁰ Amalala gazaala buzaazi nnyombo,
    naye amagezi gasangibwa mu abo abakkiriza okulabulwa.

^11 (EE)Ensimbi enkumpanye ziggwaawo,
    naye ezijja empolampola zeeyongera obungi.

¹² Essuubi erirwawo okutuukirira lirwaza omutima,
    naye ekyegombebwa bwe kituukirira kiba muti gwa bulamu.

^13 (EF)Omuntu anyooma ebiragiro aligwa mu mitawaana,
    naye oyo awuliriza ebimulagirwa aliweebwa empeera.

^14 (EG)Okuyigiriza kw’omuntu alina amagezi nsulo ya bulamu,
    era kuggya omuntu mu mitego gy’okufa.

¹⁵ Okutegeera okulungi kuleeta okuganja,
    naye ekkubo ly’abateesigibwa liba zzibu.

^16 (EH)Omuntu omwegendereza akola amaze kulowooza,
    naye omusirusiru alaga obutamanya bwe.

^17 (EI)Omubaka omubi yeesuula mu mitawaana,
    naye omubaka omwesigwa aleeta kuwonyezebwa.

^18 (EJ)Anyooma okukangavvulwa yeereetako obwavu n’obuswavu,
    naye oyo assaayo omwoyo ku kunenyezebwa aweebwa ekitiibwa.

¹⁹ Ekyegombebwa bwe kituukirira kisanyusa omutima,
    naye okulekayo okukola ebibi kya muzizo eri abasirusiru.

^20 (EK)Oyo atambula n’abantu abagezi ageziwala,
    naye oyo atambula n’abasirusiru alaba ennaku.

^21 (EL)Emitawaana gigoberera aboonoonyi,
    naye okukulaakulana y’empeera y’abatuukirivu.

^22 (EM)Omuntu omulungi alekera bazzukulu be ebyobusika,
    naye obugagga bw’omwonoonyi buterekerwa omutuukirivu.

²³ Ennimiro z’abaavu ziyinza okuvaamu emmere nnyingi,
    naye obutali bwenkanya ne bugyera yonna.

^24 (EN)Atakozesa kaggo akyawa omwana we,
    naye oyo amwagala afaayo okumukangavvula.

^25 (EO)Omutuukirivu alya emmere ye n’akkuta,
    naye abakozi b’ebibi basigala nga bayala.

14 ^(EP)Omukazi ow’amagezi yeezimbira ennyumba ye,
    naye omusirusiru eyiye agyemenyera n’emikono gye.

² Omuntu atambulira mu bugolokofu atya Mukama,
    naye ow’amakubo amakyamu anyooma Mukama.

^3 (EQ)Ebigambo by’omusirusiru bye bimuviirako okukubwa,
    naye eby’abatuukirivu binaabakuumanga.

⁴ Awataba nte nnume ezirima ebyagi biba bikalu,
    naye emmere ennyingi eva mu maanyi gaazo.

^5 (ER)Omujulizi ow’amazima talimba,
    naye ow’obulimba ayogera bya bulimba.

⁶ Omukudaazi anoonya amagezi n’atagalaba,
    naye okumanya kwanguyira omuntu ategeera.

⁷ Teweeretereza muntu musirusiru,
    kubanga tewali by’amagezi biva mu kamwa ke.

^8 (ES)Omutegeevu mugezi kubanga afaayo okutegeera by’akola,
    naye atalina magezi musirusiru kubanga yeerimba nti amanyi.

⁹ Abasirusiru banyooma okugololwa nga bakoze ensobi,
    naye abalongoofu baagala emirembe.

¹⁰ Buli mutima gumanya okulumwa kwagwo,
    tewali ayinza kugusanyukirako.

^11 (ET)Ennyumba y’abakozi b’ebibi erizikirizibwa,
    naye eweema y’abatuukirivu erikulaakulana.

^12 (EU)Waliwo ekkubo erirabika nga ttuufu eri omuntu,
    naye ng’enkomerero yaalyo kufa.

^13 (EV)Enseko zandibaawo naye ng’omutima gujjudde ennaku,
    era n’enkomerero y’essanyu eyinza okufuuka obuyinike.

^14 (EW)Omuntu atalina kukkiriza alisasulwa empeera emusaanira olw’ebikolwa bye,
    n’omuntu omulungi naye alisasulwa eyiye.

¹⁵ Ow’amagezi amatono amala gakkiriza buli kigambo ky’awulira,
    naye omuntu omutegeevu yeegendereza amakubo ge.

^16 (EX)Omuntu ow’amagezi atya Mukama n’aleka okukola ebibi,
    naye omusirusiru yeepankapanka era teyeegendereza.

^17 (EY)Omuntu asunguwala amangu akola eby’obusirusiru,
    n’omukalabakalaba akyayibwa.

¹⁸ Abatalina magezi basikira butaliimu,
    naye abategeevu batikkirwa engule ey’okumanya.

^19 (EZ)Abakozi b’ebibi balivuunamira abatuukirivu,
    n’aboonoonyi ne bavuunama mu miryango gy’abatuukirivu.

^21 (FB)Anyooma muliraanwa we akola kibi,
    naye alina omukisa oyo asaasira abaavu.

²² Abateekateeka okukola ebibi, tebawaba?
    Naye okwagala n’amazima binaabeeranga n’abo abateesa okukola obulungi.

²³ Buli mulimu ogukolebwa n’amaanyi gubaako amagoba,
    naye okwogera obwogezi kireeta bwavu bwokka.

²⁴ Abagezi bafuna engule ey’obugagga,
    naye obusirusiru bw’abatalina magezi buzaala busirusiru.

^25 (FC)Omujulizi ow’amazima awonya obulamu bw’abantu,
    naye omujulizi ow’obulimba aba mulimba.

^26 (FD)Atya Mukama alina ekiddukiro eky’amaanyi,
    era n’abaana be balibeera n’obuddukiro.

^27 (FE)Okutya Mukama ye nsulo y’obulamu,
    kuleetera omuntu okwewala emitego gy’okufa.

²⁸ Ekitiibwa kya kabaka kiri mu kuba n’abantu bangi,
    naye omukulembeze ataba n’abantu abeera mu kabi.

^29 (FF)Omuntu omugumiikiriza aba n’okutegeera kungi,
    naye oyo asunguwala amangu ayolesa obusirusiru.

^30 (FG)Omutima ogulina emirembe guwangaaza omuntu,
    naye obuggya buvunza amagumba ge.

^31 (FH)Omuntu atulugunya abaavu anyooma oyo eyabatonda,
    naye buli abakwatirwa ekisa, agulumiza Katonda.

^32 (FI)Akacwano bwe kajja, omukozi w’ebibi agwa,
    naye omutuukirivu ne mu kufa aba n’obuddukiro.

^33 (FJ)Amagezi gabeera mu mutima gw’omuntu alina okutegeera,
    era yeeyoleka ne mu basirusiru.

^34 (FK)Obutuukirivu buzimba eggwanga,
    naye ekibi kiswaza abantu ab’engeri zonna.

^35 (FL)Kabaka asanyukira omuddu akola eby’amagezi,
    naye obusungu bwa kabaka bunaabuubuukiranga ku oyo akola ebiswaza.

15 ^(FM)Okuddamu n’eggonjebwa kumalawo ekiruyi,
    naye ekigambo eky’obukambwe kisaanuula obusungu.

^2 (FN)Olulimi lw’omugezi lwogera by’amagezi,
    naye akamwa k’abasirusiru kafukumula busirusiru bwereere.

^3 (FO)Amaaso ga Mukama galaba buli wantu,
    alaba abatuukirivu n’abakozi b’ebibi.

⁴ Olulimi oluzimba muti gwa bulamu,
    naye olulimi olulimba lubetenta omutima.

^5 (FP)Omusirusiru anyooma okubuulirirwa kwa kitaawe,
    naye omutegeevu assaayo omwoyo eri okunenyezebwa.

^6 (FQ)Mu nnyumba y’omutuukirivu mubaamu obugagga bungi,
    naye omukozi w’ebibi by’afuna, bimuleetera emitawaana.

⁷ Akamwa k’amagezi kabunyisa okumanya,
    naye omutima gw’abasirusiru si bwe gukola.

^8 (FR)Ssaddaaka y’aboonoonyi ya muzizo eri Mukama,
    naye okusaba kw’abalongoofu lye ssanyu lye.

^9 (FS)Ekkubo ly’omwonoonyi lya muzizo eri Mukama,
    naye Mukama ayagala oyo anoonya obutuukirivu.

^10 (FT)Oyo aleka ekkubo ettuufu alikangavvulwa n’amaanyi,
    n’oyo akyawa okunenyezebwa alifa.

^11 (FU)Okufa n’okuzikirira biri mu maaso ga Mukama,
    n’okulaba alaba nnyo emitima gy’abaana b’abantu!

^12 (FV)Omunyoomi tayagala kunenyezebwa,
    era teeyeebuuza ku b’amagezi.

^13 (FW)Omutima omusanyufu guleeta essanyu ku maaso,
    naye omutima omunyiikaavu gunafuya emmeeme.

^14 (FX)Omutima omutegeevu gunoonya okumanya,
    naye akamwa k’abasirusiru kalya busirusiru.

^15 (FY)Omuntu bw’aba omunyiikaavu, buli kimu kimwononekera,
    naye omutima omusanyufu gujaguza buli kaseera.

^16 (FZ)Okuba n’akatono ng’otya Mukama,
    kusinga okuba n’ebingi naye ng’oli mu mitawaana.

^17 (GA)Okulya emmere ng’eriko enva endiirwa awali okwagalana,
    kisinga okuliirako ebyassava awali obukyayi.

^18 (GB)Omuntu asunguwala amangu asaanuula oluyombo,
    naye omugumiikiriza akakkanya embeera.

^19 (GC)Ekkubo ly’omugayaavu lijjula amaggwa,
    naye ekkubo ly’omutuukirivu golokofu.

^20 (GD)Omwana omugezi asanyusa kitaawe,
    naye omuntu omusirusiru anyooma nnyina.

^21 (GE)Obusirusiru ssanyu eri oyo atalina magezi,
    naye omuntu ategeera atambulira mu kkubo eggolokofu.

^22 (GF)Awatali kuluŋŋamizibwa entegeka zifa,
    naye awali abawi b’amagezi abangi ziyitamu.

^23 (GG)Okuddamu obulungi kisanyusa,
    era kirungi ekigambo ekirungi okujjira mu kiseera ekituufu.

²⁴ Ekkubo ery’obulamu liyimusa omugezi,
    ne limuziyiza okukka emagombe.

^25 (GH)Mukama azikiriza ennyumba y’ab’amalala,
    kyokka akuuma ensalo za nnamwandu.

^26 (GI)Enkwe za muzizo eri Mukama,
    naye ebigambo ebisaanidde, bimusanyusa.

^27 (GJ)Oyo anoonya okugaggawalira mu bukyamu aleetera ennyumba ye emitawaana,
    naye oyo akyawa enguzi aliba mulamu.

^28 (GK)Omutima gw’omutuukirivu gufumiitiriza bye gunaayanukula,
    naye akamwa k’omwonoonyi kafubutula ebitasaana.

^29 (GL)Mukama ali wala n’aboonoonyi,
    naye awulira okusaba kw’abatuukirivu.

³⁰ Amaaso agajjudde essanyu gasanyusa omutima,
    n’amawulire amalungi galeetera amagumba obulamu.

^31 (GM)Oyo assaayo omwoyo eri okunenyezebwa okuleeta obulamu,
    alituula wamu n’abagezi.

^32 (GN)Agayaalirira okubuulirirwa yeerumya yekka,
    naye oyo assaayo omwoyo eri okunenyezebwa afuna okutegeera.

^33 (GO)Okutya Mukama kuyigiriza omuntu amagezi,
    n’obwetoowaze kye kitiibwa ky’omuntu oyo.

^2 (GQ)Amakubo g’omuntu gonna gaba matuufu mu maaso ge ye,
    naye Mukama y’apima ebigendererwa.

^3 (GR)Emirimu gyo gyonna gikwasenga Mukama,
    naye anaatuukirizanga entegeka zo.

^4 (GS)Mukama buli kimu akikola ng’alina ekigendererwa,
    n’abakozi b’ebibi y’abakolera olunaku lwe batuukibwako ebizibu.

^5 (GT)Buli muntu alina omutima ogw’amalala wa muzizo eri Mukama;
    weewaawo talirema kubonerezebwa.

^6 (GU)Olw’okwagala n’olw’obwesigwa, ekibi kisasulibwa,
    n’okutya Mukama kuleetera omuntu okwewala okukola ebibi.

⁷ Amakubo g’omuntu bwe gaba gasanyusa Mukama,
    aleetera abalabe b’omuntu oyo okubeera naye mu mirembe.

^8 (GV)Akatono akafune mu butuukirivu,
    kasinga obugagga obungi obufune mu bukyamu.

^9 (GW)Omutima gw’omuntu guteekateeka ekkubo lye,
    naye Mukama y’aluŋŋamya bw’anaatambula.

¹⁰ Kabaka ky’ayogera kiba ng’ekiva eri Katonda,
    n’akamwa ke tekasaanye kwogera bitali bya bwenkanya.

^11 (GX)Ebipimo ne minzaani ebituufu bya Mukama,
    ebipimo byonna ebikozesebwa y’abikola.

^12 (GY)Kya muzizo bakabaka okukola ebibi,
    kubanga entebe ye ey’obwakabaka enywezebwa butuukirivu.

^13 (GZ)Akamwa akogera eby’amazima bakabaka ke basanyukira,
    era baagala oyo ayogera amazima.

^14 (HA)Obusungu bwa kabaka buli ng’ababaka abaleese okufa,
    omusajja ow’amagezi alibukkakkanya.

^15 (HB)Kabaka bw’asanyuka kireeta obulamu;
    n’okuganza kwe, kuli nga ekire eky’enkuba^[b] mu biseera ebya ttoggo.

^16 (HC)Okufuna amagezi nga kusinga nnyo okufuna zaabu,
    era n’okufuna okutegeera kikira ffeeza!

¹⁷ Ekkubo ly’abagolokofu kwe kwewala ebibi,
    n’oyo eyeekuuma mu kutambula kwe, awonya emmeeme ye.

^18 (HD)Amalala gakulembera okuzikirira,
    n’omwoyo ogwegulumiza gukulembera ekigwo.

¹⁹ Okubeera n’omwoyo ogwetoowaza era n’okubeera n’abaavu,
    kisinga okugabana omunyago n’ab’amalala.

^20 (HE)Oyo assaayo omwoyo ku kuyigirizibwa alikulaakulana,
    era alina omukisa oyo eyeesiga Mukama.

^21 (HF)Abalina emitima egy’amagezi baliyitibwa bategeevu,
    n’enjogera ennungi eyongera okuyamba okutegeera.

^22 (HG)Amagezi nsulo ya bulamu eri oyo agalina,
    naye obusirusiru buleetera abasirusiru okubonerezebwa.

²³ Omutima gw’omuntu ow’amagezi gumuwa enjogera ennungi,
    era akamwa ke kayigiriza abalala.

^24 (HH)Ebigambo ebirungi biri ng’ebisenge by’omubisi gw’enjuki,
    biwoomera emmeeme, ne biwonya n’amagumba.

^25 (HI)Wabaawo ekkubo erirabika ng’ettuufu eri omuntu,
    naye ku nkomerero limutuusa mu kufa.

²⁶ Okwagala okulya kuleetera omuntu okukola n’amaanyi,
    kubanga enjala emukubiriza okweyongera okukola.

^27 (HJ)Omuntu omusirusiru ategeka okukola ebitali bya butuukirivu,
    era n’ebigambo bye, biri ng’omuliro ogwokya ennyo.

^28 (HK)Omuntu omubambaavu asiikuula entalo,
    n’ow’olugambo ayawukanya ab’omukwano enfirabulago.

^29 (HL)Omuntu omukyamu asendasenda muliraanwa we
    n’amutwala mu kkubo eritali ttuufu.

³⁰ Omuntu atemya ku liiso ateekateeka kwonoona,
    n’oyo asongoza emimwa ategeka kukola bitali birungi.

^31 (HM)Omutwe ogw’envi ngule ya kitiibwa,
    gufunibwa abo abatambulira mu bulamu obutuukirivu.

³² Omuntu omugumiikiriza asinga omutabaazi,
    n’oyo afuga obusungu bwe akira awamba ekibuga.

^33 (HN)Akalulu kayinza okukubibwa,
    naye okusalawo kwa byonna kuva eri Mukama.

17 ^(HO)Okulya akamere akaluma awali emirembe,
    kisinga okuba mu nnyumba ejjudde ebyassava nga mulimu entalo.

² Omuddu omugezi alifuga omwana wa bowo akwasa ensonyi,
    era alifuna ebyobusika ng’omu ku baana b’awaka.

^3 (HP)Entamu erongoosa yakolebwa lwa ffeeza, n’ekikoomi ky’okulongoosa lwa zaabu,
    naye Mukama agezesa emitima.

⁴ Omubi assaayo omwoyo eri eby’obulimba,
    era n’omulimba awuliriza olulimi olukuusa.

^5 (HQ)Oyo akudaalira omwavu avvoola eyamutonda,
    n’oyo asanyukira obuyinike bw’abalala talirema kubonerezebwa.

^6 (HR)Abazzukulu ngule ya bajjajjaabwe,
    era n’abaana beenyumiririza mu bakadde baabwe.

⁷ Enjogerannungi teba ya musirusiru,
    ng’oweekitiibwa bw’atasaana kwogera bya bulimba.

⁸ Enguzi eri ng’ejjinja ery’omufuusa mu maaso g’oyo agigaba,
    alowooza nti buli gy’akyukira eneemuyamba.

^9 (HS)Okwagala tekulondoola nsobi,
    naye oyo atasonyiwa nsobi akyawaganya ab’omukwano enfirabulago.

¹⁰ Okunenya kuyamba nnyo omuntu ategeera,
    okusinga okukuba omusirusiru embooko ekikumi.

¹¹ Omukozi w’ebibi anoonya bujeemu bwereere,
    era kyaliva asindikirwa omubaka omukambwe.

¹² Okusisinkana eddubu enyagiddwako abaana baayo,
    kisinga okusisinkana omusirusiru mu busirusiru bwe.

^14 (HU)Okutandika oluyombo kuli ng’omuntu bw’asumulula omudumu gw’amazzi,
    noolwekyo vvaawo ng’oluyombo terunnatandika.

^15 (HV)Eyejjeereza omukozi w’ebibi n’oyo avumirira omutuukirivu,
    bombi ba muzizo eri Mukama.

^16 (HW)Omusirusiru agasibwa ki okuba ne ssente ezisasulibwa amagezi,
    ng’ate ye talina mutima gwegomba magezi?

¹⁷ Omukwano ogw’amagezi guba gwa lubeerera,
    era owooluganda yeesigibwa mu biro eby’ennaku.

^18 (HX)Omuntu atalina magezi awa obweyamo
    ne yeetema okusasula amabanja ga muliraanwa we.

¹⁹ Oyo ayagala ekibi anyumirwa ennyombo,
    n’oyo akola omulyango omunene ogw’omu maaso gwa bbugwe ye nga guyitiridde obunene gulimuteganya nnyo.

²⁰ Omuntu ow’omutima omubambaavu takulaakulana,
    n’oyo ow’olulimi olulimba agwa mu katyabaga.

^21 (HY)Omwana omusirusiru aleetera kitaawe obuyinike,
    kitaawe w’omusirusiru taba na ssanyu.

^22 (HZ)Omutima ogw’essanyu ddagala ddungi,
    naye omwoyo omunyiikaavu gukozza omubiri.

^23 (IA)Omuntu omubi alya enguzi mu kyama,
    alyoke aziyize amazima okweyoleka.

^24 (IB)Omuntu omutegeevu, ebirowoozo abissa eri amagezi,
    naye amaaso g’omusirusiru gasamaalirira ensi gy’ekoma.

^25 (IC)Omwana omusirusiru buyinike eri kitaawe,
    era aleeta ennaku eri nnyina eyamuzaala.

^26 (ID)Si kirungi okuweesa omutuukirivu engassi ey’obwereere
    wadde okukuba ab’ekitiibwa embooko olw’obwesimbu bwabwe.

^27 (IE)Omuntu omwegendereza mu bigambo bye abeera n’okutegeera,
    n’oyo alina omwoyo omuteefu aba muntu wa magezi.

^28 (IF)Omusirusiru bw’asirika alowoozebwa okuba n’amugezi,
    era aba mutegeevu bw’afuga akamwa ke.

^2 (IG)Omusirusiru tasanyukira kutegeera,
    ky’asanyukira kyokka kwe kwogera by’alowooza.

³ Okukola ekibi bwe kujja n’okunyooma kujjirako,
    era awali okuyisaamu omuntu amaaso wabaawo okunyoomoola.

⁴ Ebigambo by’omu kamwa k’omuntu mazzi ga buziba,
    naye ensulo ey’amagezi mugga ogukulukuta.

^5 (IH)Si kirungi kuttira mubi ku liiso,
    oba okusaliriza omutuukirivu.

⁶ Akamwa k’omusirusiru kamuleetera entalo
    era akamwa ke kamuleetera okukubwa emiggo.

^7 (II)Akamwa k’omusirusiru ke kamuleetera okuzikirira,
    era n’emimwa gye mutego eri emmeeme ye.

^8 (IJ)Ebigambo by’omuntu ageya biri ng’emmere ewoomerera,
    bigenda mu bitundu by’omubiri eby’ewala.

^9 (IK)Omuntu omugayaavu mu mirimu gy’akola,
    waluganda n’oyo azikiriza.

^10 (IL)Erinnya lya Mukama kigo ky’amaanyi,
    omutuukirivu addukira omwo n’afuna emirembe.

^11 (IM)Obugagga bw’omugagga, kye kibuga kye ekiriko bbugwe ow’amaanyi,
    era mu kulaba kwe, kigo kye ekigumu ekitarinnyika.

^12 (IN)Omuntu nga tannagwa, omutima gwe gwegulumiza, naye okwetoowaza kumuweesa ekitiibwa.

^13 (IO)Oyo addamu amangu mu nsonga gy’ateetegerezza,
    buba busirusiru bwe era buswavu.

^14 (IP)Omwoyo gw’omuntu gumuwanirira mu bulwadde,
    naye emmeeme eyennyise ani ayinza okugigumiikiriza?

^15 (IQ)Omutima gw’omwegendereza guyiga okumanya,
    amatu g’omuntu omugezi gawuliriza.

^16 (IR)Ekirabo ky’omuntu kimuseguliza,
    era kimutuusa ne mu maaso g’abeekitiibwa.

¹⁷ Asooka okweyogerako y’afaanana ng’omutuufu,
    okutuusa omulala lw’amubuuza ebibuuzo.

^18 (IS)Okukuba akalulu kimalawo empaka,
    era kisalawo eggoye wakati w’abawakana ab’amaanyi.

¹⁹ Kyangu okuwamba ekibuga ekiriko bbugwe ow’amaanyi, okusinga okukomyawo owooluganda anyiize,
    era ennyombo ziba ng’empagi z’ekigo.

^20 (IT)Omuntu anakkutanga ebigambo ebiva mu kamwa ke;
    ebibala ebijjula akamwa ke bye binamukkusanga.

^21 (IU)Olulimi lulina obuyinza okuwa obulamu oba okutta,
    era n’abo abalwagala balirya ebibala byalwo.

^22 (IV)Azuula omukazi omulungi ow’okuwasa aba azudde ekirungi,
    era aganja eri Mukama.

²³ Omwavu yeegayirira,
    naye omugagga addamu na bbogo.

^24 (IW)Akwana emikwano emingi yeereetera okuzikirira,
    naye wabaawo ow’omukwano akwagala ennyo okusinga owooluganda.

19 ^(IX)Omuntu omwavu atambulira mu butuukirivu,
    asinga akamwa ak’omusirusiru akaweebuula.

^2 (IY)Si kirungi okuba omujjumbize naye nga tolina kumanya,
    n’okwanguyiriza okukola ekintu kuleetera omuntu okukwata ekkubo ekyamu.

³ Obusirusiru bw’omuntu bwe bwonoona obulamu bwe,
    kyokka omutima gwe ne gunenya Mukama.

^4 (IZ)Obugagga buleeta emikwano mingi,
    naye emikwano gy’omwavu gimuddukako.

^5 (JA)Omujulizi ow’obulimba talirema kubonerezebwa,
    era oyo ayogera eby’obulimba taliba na buddukiro.

^6 (JB)Bangi banoonya okuganja mu maaso g’omufuzi,
    era buli muntu aba mukwano gw’oyo agaba ebirabo.

^7 (JC)Baganda b’omwavu bonna bamwewala,
    mikwano gye tebaasingewo nnyo okumwewala?

Wadde abagoberera ng’abeegayirira,
    naye tabalaba.

^8 (JD)Oyo afuna amagezi ayagala emmeeme ye,
    n’oyo asanyukira okutegeera, akulaakulana.

^9 (JE)Omujulizi ow’obulimba talirema kubonerezebwa,
    n’oyo ayogera eby’obulimba alizikirira.

^10 (JF)Omusirusiru tasaana kubeera mu bulamu bwa kwejalabya,
    kale kiwulikika kitya ng’omuddu afuga abalangira?

^11 (JG)Omuntu omutegeevu alwawo okusunguwala,
    era kiba kya kitiibwa obutafa ku bye bamusobezza.

^12 (JH)Obusungu bwa kabaka buli ng’okuwuluguma kw’empologoma,
    naye ekisa kye kiri ng’omusulo ku ssubi.

^13 (JI)Omwana omusirusiru aleetera kitaawe okuzikirira,
    n’omukazi omuyombi ali ng’enkuba etonnya olutata.

^14 (JJ)Ennyumba n’obugagga bisikirwa okuva ku bazadde,
    naye omukazi omutegeevu ava eri Mukama.

^15 (JK)Obugayaavu buleeta otulo tungi,
    n’omuntu atakola mirimu alirumwa enjala.

^16 (JL)Oyo akwata ebiragiro akuuma obulamu bwe,
    naye oyo eyeeyisa mu ngeri embi alifa.

^17 (JM)Oyo akwatirwa omwavu ekisa awola Mukama,
    era Mukama alimusasula olw’ekikolwa kye ekyo.

^18 (JN)Kangavvulanga omwana wo kubanga mu ekyo mulimu essuubi,
    oleme kumuwaayo mu kuzikirira.

¹⁹ Omuntu omukambwe ennyo alisasula ebiriva mu bukambwe bwe,
    kubanga ne bw’omununula ogusooka era oteekwa okukiddiŋŋaana.

^20 (JO)Ssangayo omwoyo ku magezi agakuweebwa ne ku kuyigirizibwa,
    oluvannyuma lwa byonna oliba n’amagezi.

^21 (JP)Enteekateeka z’omuntu ziba nnyingi mu mutima gwe;
    byo ebigendererwa bya Mukama bituukirira.

²² Ekintu omuntu kye yeegomba kwe kwagala okutaggwaawo,
    okuba omwavu kisinga okuba omulimba.

^23 (JQ)Okutya Mukama kutuusa mu bulamu;
    olwo omuntu n’awummula nga mumativu nga tatuukiddwako kabi.

^24 (JR)Omugayaavu annyika omukono gwe mu kibya,
    n’atagukomyawo nate ku mumwa gwe.

^25 (JS)Kangavvula omunyoomi, abatamanyi bayigire ku ye,
    buulirira ategeera, ajja kweyongera okutegeera.

^26 (JT)Omwana abba ebya kitaawe n’agobaganya ne nnyina,
    aleeta obuswavu n’obuyinike.

²⁷ Mwana wange konoolekayo okuyigirizibwa,
    onoowaba okuva ku bigambo by’okumanya.

^28 (JU)Omujulizi omulimba atyoboola ensala ey’amazima,
    n’akamwa k’ababi, kavaabira ebitali bya butuukirivu.

^29 (JV)Ebibonerezo bitekebwawo kukangavvula banyoomi,
    n’embooko zaakolebwa lwa migongo gy’abasirusiru.

20 ^(JW)Omwenge mukudaazi, ekitamiiza muleekaanyi,
    era buli alaga mu kkubo ekyamu olw’ebyo talina magezi.

^2 (JX)Obusungu bwa kabaka buli ng’okuwuluguma kw’empologoma,
    n’oyo amusunguwaza yeefiiriza bulamu bwe.

^3 (JY)Kya kitiibwa omuntu okwewala entalo,
    naye buli musirusiru ayagala okuyomba.

⁴ Omugayaavu talima mu budde butuufu,
    kyanaavanga anoonya eby’amakungula nga talina kantu.

⁵ Ebigendererwa ebiba mu mutima gw’omuntu biba ng’amazzi ag’ebuziba,
    naye omuntu alina okutegeera alibiggyayo.

^6 (JZ)Abantu bangi bagamba nti balina okwagala okutaggwaawo,
    naye ani ayinza okuzuula omuntu omwesigwa?

^7 (KA)Omuntu omutuukirivu, atambulira mu bulamu obutaliiko kyakunenyezebwa;
    ba mukisa abaana be abalimuddira mu bigere.

^8 (KB)Kabaka bw’atuula ku ntebe ye ey’obwakabaka ng’asala emisango,
    amaaso ge gasunsulamu ne gaggyamu ebibi byonna.

^9 (KC)Ani ayinza okugamba nti, “Ntukuzza omutima gwange,
    ndi mulongoofu era sirina kibi?”

^10 (KD)Ebipima obuzito ebitatuuka n’ebigera ebikyamu,
    byombi bya muzizo eri Mukama.

^11 (KE)Omuvubuka naye amanyibwa olw’ebikolwa bye,
    obanga birongoofu era nga birungi.

^12 (KF)Okutu okuwulira n’eriiso eriraba
    byombi Mukama ye y’abikola.

^13 (KG)Toyagalanga kwebaka oleme kwavuwala,
    tunula, obeerenga n’ebyokulya bingi.

¹⁴ “Si kirungi, si kirungi,” bw’ayogera agula;
    naye bw’agenda n’alyoka yeenyumiririza mu ky’aguze.

¹⁵ Zaabu n’amayinja ag’omuwendo weebiri,
    naye emimwa egyogera eby’amagezi kye ky’omuwendo ekisingako.

^16 (KH)Omuntu bw’aleeta ekyambalo kye ne yeeyimiririra gw’atamanyi,
    kitwalire ddala, na ddala bw’abanga yeeyimiririra omukazi omubambaavu.

^17 (KI)Emmere enfune mu bukyamu ewooma mu kulya,
    naye emufuukira amayinja mu kamwa.

^18 (KJ)Kola entegeka nga weebuuza ku magezi,
    bw’oba onoolangirira olutalo sooka weebuuze.

^19 (KK)Oyo agenda ng’asaasaanya olugambo abotola ebyama,
    noolwekyo weewale omuntu ayogerayogera ennyo ebitaliimu.

^20 (KL)Omuntu akolimira kitaawe oba nnyina,
    ettabaaza ye erizikizibwa n’asigala mu kizikiza ekikutte ennyo.

²¹ Eby’obusika ebifune ng’ekiseera kyabyo tekinnatuuka,
    ku nkomerero tebiba na mukisa.