Read the New Testament in 24 Weeks

3 Datapuwa't alamin mo ito, ^(A)na sa mga huling araw ay darating ang mga panahong mapanganib.

² Sapagka't ang mga tao'y magiging maibigin sa kanilang sarili, maibigin sa salapi, mayayabang, mga mapagmalaki, mapagtungayaw, masuwayin sa mga magulang, mga walang turing, mga walang kabanalan,

³ Walang katutubong pagibig, mga walang paglulubag, mga palabintangin, mga walang pagpipigil sa sarili, mga mabangis, hindi mga maibigin sa mabuti,

⁴ Mga lilo, mga matitigas ang ulo, mga palalo, mga maibigin sa kalayawan kay sa mga maibigin sa Dios;

^5 (B)Na may ^(C)anyo ng kabanalan, datapuwa't ^(D)tinanggihan ang kapangyarihan nito: lumayo ka rin naman sa mga ito.

⁶ Sapagka't sa mga ito ang nanganggagapang sa mga bahay, at binibihag ang babaing haling na lipos ng mga kasalanan, hinihila ng mga iba't ibang pita,

⁷ Na laging nagsisipagaral, at kailan pa man ay hindi nakararating ^(E)sa pagkaalam ng katotohanan.

⁸ At kung paanong ^(F)si Janes at si Jambres ay nagsilaban kay Moises, ay gayon din naman ang mga ito'y nagsisilaban sa katotohanan; mga taong masasama ang pagiisip, ^(G)mga itinakuwil tungkol sa pananampalataya.

⁹ Nguni't sila'y hindi mangagpapatuloy: sapagka't mangahahayag sa lahat ng mga tao ang kanilang kamangmangan, ^(H)gaya naman ng pagkahayag ng sa mga yaon.

¹⁰ Nguni't sinunod mo ^(I)ang aking aral, ugali, ^(J)akala, ^(K)pananampalataya, pagpapahinuhod, pagibig, pagtitiis,

¹¹ Mga paguusig, mga pagbabata; anomang mga bagay ang nangyari sa akin ^(L)sa Antioquia, sa ^(M)Iconio, sa ^(N)Listra; anomang mga paguusig ang tiniis ko: at sa lahat ay iniligtas ako ng Panginoon.

¹² Oo, at ^(O)lahat na ibig mabuhay na may kabanalan kay Cristo Jesus ay mangagbabata ng paguusig.

¹³ Datapuwa't ang masasamang tao at mga magdaraya ay lalong sasama ng sasama, na mangagdadaya, at sila rin ang mangadadaya.

¹⁴ Datapuwa't ^(P)manatili ka sa mga bagay na iyong pinagaralan at sa pinagkaroonan mo ng katunayan, yamang nalalaman mo kung kanino mo nangatutuhan;

¹⁵ At mula sa pagkasanggol ay iyong nalalaman ^(Q)ang mga banal na kasulatan ^(R)na makapagpadunong sa iyo sa ikaliligtas sa pamamagitan ng pananampalataya kay Cristo Jesus.

¹⁶ Ang lahat ng mga kasulatan ^(S)na kinasihan ng Dios ay ^(T)mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran:

¹⁷ Upang ang tao ^(U)ng Dios ay maging sakdal, tinuruang lubos sa lahat ng mga gawang mabuti.

4 ^(V)Ipinagbibilin ko sa iyo sa paningin ng Dios, at ni Cristo Jesus, na siyang huhukom sa mga buhay at sa mga patay, sa pamamagitan ng ^(W)kaniyang pagpapakita at sa kaniyang kaharian:

² Ipangaral mo ang salita; magsikap ka sa kapanahunan, at sa di kapanahunan, sumawata ka, ^(X)sumaway ka, ^(Y)mangaral ka na may buong pagpapahinuhod at pagtuturo.

³ Sapagka't darating ang panahon ^(Z)na hindi nila titiisin ang ^(AA)magaling na aral; ^(AB)kundi, pagkakaroon nila ng kati ng tainga, ay magsisipagbunton sila sa kanilang sarili ng mga gurong ayon sa kanilang sariling mga masasamang pita;

⁴ At ihihiwalay sa katotohanan ang kanilang mga tainga, at mga ^(AC)ibabaling sa katha.

⁵ Nguni't ikaw ay ^(AD)magpigil sa lahat ng mga bagay, ^(AE)magtiis ka ng mga kahirapan, gawin mo ang gawa ^(AF)ng evangelista, ganapin mo ang iyong ministerio.

⁶ Sapagka't ^(AG)ako'y iniaalay na, at ang panahon ng ^(AH)aking pagpanaw ay dumating na.

^7 (AI)Nakipagbaka ako ng mabuting pakikipagbaka, ^(AJ)natapos ko na ang aking takbo, iningatan ko ang pananampalataya:

⁸ Buhat ngayon ay natataan ^(AK)sa akin ^(AL)ang putong na katuwiran, na ibibigay sa akin ng Panginoon na tapat na hukom ^(AM)sa araw na yaon; at hindi lamang sa akin, kundi sa lahat din naman ng mga naghahangad sa kaniyang pagpapakita.

⁹ Magsikap kang pumarini na madali sa akin:

¹⁰ Sapagka't ako'y pinabayaan ni ^(AN)Demas, palibhasa'y iniibig niya ang sanglibutang ito, at napasa Tesalonica; si Crescente ay napasa Galacia, at si ^(AO)Tito ay sa Dalmacia.

¹¹ Si Lucas ^(AP)lamang ang kasama ko. ^(AQ)Kaunin mo si Marcos, at ipagsama mo; sapagka't siya'y napapakinabangan ko sa ministerio.

¹² Datapuwa't si ^(AR)Tiquico ay sinugo ko sa Efeso.

¹³ Ang balabal na aking iniwan sa Troas kay Carpo ay iyong dalhin pagparini mo, at ang mga aklat, lalong lalo na ang mga pergamino.

¹⁴ Si Alejandro na panday-tanso ay ginawan ^(AS)ako ng lubhang masama: gagantihan siya ng Panginoon ayon sa kaniyang mga gawa:

¹⁵ Magingat ka rin naman sa kaniya; sapagka't totoong kaniyang sinalangsang ang aming mga salita.

¹⁶ Sa aking unang ^(AT)pagsasanggalang sinoman ay walang kumampi sa akin, bagkus pinabayaan ako ng lahat: huwag nawang ibilang sa kanila ito.

¹⁷ Datapuwa't ^(AU)ang Panginoon ay sumaakin, at ako'y pinalakas; upang sa pamamagitan ko ang mabuting balita ay maitanyag ng ganap, at upang mapakinggan ng lahat ng mga Gentil: at ^(AV)ako'y iniligtas sa bibig ng leon.

¹⁸ Ako'y ililigtas ng Panginoon sa bawa't gawa ng masama, at ako'y kaniyang iingatan sa kaniyang kaharian sa langit: na sumakaniya nawa ang kaluwalhatian magpakailan man. Siya nawa.

¹⁹ Batiin mo ^(AW)si Prisca at si Aquila, at ang sangbahayan ^(AX)ni Onesiforo.

²⁰ Si ^(AY)Erasto ay natira sa Corinto; datapuwa't si ^(AZ)Trofimo ay iniwan kong may-sakit sa ^(BA)Mileto.

^21 (BB)Magsikap kang pumarini bago magtaginaw. Binabati ka ni Eubulo, at ni Pudente, at ni Lino, at ni Claudia, at ng lahat ng mga kapatid.

²² Ang Panginoon nawa'y ^(BC)sumainyong espiritu. Ang biyaya nawa'y sumainyo.