Psalmi 49:6-12

Biblia Sacra Vulgata

⁶ Et annuntiabunt caeli justitiam ejus, quoniam Deus judex est.

⁷ Audi, populus meus, et loquar; Israel, et testificabor tibi: Deus, Deus tuus ego sum.

⁸ Non in sacrificiis tuis arguam te; holocausta autem tua in conspectu meo sunt semper.

⁹ Non accipiam de domo tua vitulos, neque de gregibus tuis hircos:

¹⁰ quoniam meae sunt omnes ferae silvarum, jumenta in montibus, et boves.

¹¹ Cognovi omnia volatilia caeli, et pulchritudo agri mecum est.

¹² Si esuriero, non dicam tibi: meus est enim orbis terrae et plenitudo ejus.