Ioannes 1:14-18

Biblia Sacra Vulgata

¹⁴ Et Verbum caro factum est, et habitavit in nobis: et vidimus gloriam ejus, gloriam quasi unigeniti a Patre plenum gratiae et veritatis.

¹⁵ Joannes testimonium perhibet de ipso, et clamat dicens: Hic erat quem dixi: Qui post me venturus est, ante me factus est: quia prior me erat.

¹⁶ Et de plenitudine ejus nos omnes accepimus, et gratiam pro gratia:

¹⁷ quia lex per Moysen data est, gratia et veritas per Jesum Christum facta est.

¹⁸ Deum nemo vidit umquam: unigenitus Filius, qui est in sinu Patris, ipse enarravit.