Iacobi 2:14-17

Biblia Sacra Vulgata

¹⁴ Quid proderit, fratres mei, si fidem quis dicat se habere, opera autem non habeat? numquid poterit fides salvare eum?

¹⁵ Si autem frater et soror nudi sint, et indigeant victu quotidiano,

¹⁶ dicat autem aliquis ex vobis illis: Ite in pace, calefacimini et saturamini: non dederitis autem eis quae necessaria sunt corpori, quid proderit?

¹⁷ Sic et fides, si non habeat opera, mortua est in semetipsa.