Isaias 38:1-6

Biblia Sacra Vulgata

38 In diebus illis aegrotavit Ezechias usque ad mortem; et introivit ad eum Isaias, filius Amos, propheta, et dixit ei: Haec dicit Dominus: Dispone domui tuae, quia morieris tu, et non vives.

² Et convertit Ezechias faciem suam ad parietem, et oravit ad Dominum,

³ et dixit: Obsecro, Domine, memento, quaeso, quomodo ambulaverim coram te in veritate et in corde perfecto, et quod bonum est in oculis tuis fecerim. Et flevit Ezechias fletu magno.

⁴ Et factum est verbum Domini ad Isaiam, dicens:

⁵ Vade, et dic Ezechiae: Haec dicit Dominus Deus David patris tui: Audivi orationem tuam, et vidi lacrimas tuas; ecce ego adjiciam super dies tuos quindecim annos,

⁶ et de manu regis Assyriorum eruam te, et civitatem istam, et protegam eam.