Santiago 4:7-17

Ang Biblia (1978)

⁷ Pasakop nga kayo sa Dios; datapuwa't magsisalangsang kayo sa diablo, at tatakas siya sa inyo.

⁸ Magsilapit kayo sa Dios, at siya'y lalapit sa inyo. Mangaglinis kayo ng inyong mga kamay, kayong mga makasalanan; at ^(A)dalisayin ninyo ang inyong mga puso, kayong mga ^(B)may dalawang akala.

⁹ Kayo'y mangagpighati, at magsihibik, at magsitangis: inyong palitan ang inyong pagtawa ng paghibik, at ang inyong kagalakan ng kalumbayan.

¹⁰ Mangagpakababa kayo ^(C)sa paningin ng Panginoon, at kaniyang itataas kayo.

^11 (D)Huwag kayong mangagsalita ng laban sa isa't isa, mga kapatid. Ang nagsasalita laban sa kapatid, ^(E)o humahatol sa kaniyang kapatid, ay ^(F)nagsasalita laban sa kautusan, at humahatol sa kautusan: datapuwa't kung ikaw ay humahatol sa kautusan, hindi ka na tagatupad ng kautusan, kundi hukom.

¹² Iisa ang tagapagbigay ng kautusan at hukom, sa makatuwid baga'y ang makapagliligtas at ^(G)makapagwawasak: datapuwa't ^(H)sino ka na humahatol sa iyong kapuwa?

^13 (I)Magsiparito ngayon, kayong nagsisipagsabi, ^(J)Ngayon o bukas ay magsisiparoon kami sa gayong bayan, at titira kami doong isang taon, at mangangalakal, at magtutubo:

¹⁴ Kayo ngang hindi nakaaalam ng mangyayari bukas. Ano ang inyong buhay? ^(K)Kayo nga'y isang singaw na sa sangdaling panahon ay lumilitaw, at pagdaka'y napapawi.

¹⁵ Sapagka't ang dapat ninyong sabihin ay, Kung loloobin ng Panginoon ay mangabubuhay kami, at gagawin namin ito o yaon.

¹⁶ Datapuwa't ngayon ay nagmamapuri kayo sa inyong mga pagpapalalo: ^(L)ang lahat ng ganitong pagmamapuri ay masama.

^17 (M)Sa nakakaalam nga ng paggawa ng mabuti, at hindi ginagawa, ito'y kasalanan sa kaniya.