10 Mga kapatid, ang nais ng aking puso at ang dalangin ko sa Diyos alang-alang sa kanila ay ang sila ay maligtas.

² Ako'y makapagpapatotoo na sila'y may sigasig para sa Diyos, subalit hindi ayon sa kaalaman.

³ Sapagkat sa kanilang pagiging mangmang sa katuwiran ng Diyos, at sa pagsisikap nilang maitayo ang sariling pagiging matuwid ay hindi sila nagpasakop sa pagiging matuwid ng Diyos.

⁴ Sapagkat si Cristo ang kinauuwian ng kautusan upang maging matuwid ang bawat sumasampalataya.

Ang Kaligtasan ay para sa Lahat

⁵ Sapagkat^(A) sumusulat si Moises tungkol sa pagiging matuwid na batay sa kautusan, na “ang taong gumagawa ng mga bagay na ito ay mabubuhay sa mga ito.”

⁶ Ngunit^(B) sinasabi ng pagiging matuwid na batay sa pananampalataya ang ganito, “Huwag mong sabihin sa iyong puso, ‘Sino ang aakyat sa langit?’” (Ito ay upang ibaba si Cristo.)

⁷ “O, ‘Sino ang mananaog sa kailaliman?’” (Ito ay upang iakyat si Cristo mula sa mga patay.)

⁸ Ngunit ano ang sinasabi nito? “Ang salita ay malapit sa iyo, nasa iyong bibig, at sa iyong puso.” Ito ay ang salita ng pananampalataya na aming ipinangangaral.

⁹ Sapagkat kung ipahahayag mo sa pamamagitan ng iyong bibig si Jesus na Panginoon, at sasampalataya ka sa iyong puso na binuhay siyang muli ng Diyos mula sa mga patay, ay maliligtas ka.

¹⁰ Sapagkat sa puso ang tao'y nananampalataya kaya't itinuturing na ganap, at sa pamamagitan ng bibig ay nagpapahayag kaya't naliligtas.

¹¹ Sapagkat^(C) sinasabi ng kasulatan, “Ang bawat sumasampalataya sa kanya ay hindi malalagay sa kahihiyan.”

¹² Sapagkat walang pagkakaiba sa Judio at Griyego; sapagkat ang Panginoon ay siya ring Panginoon ng lahat, at siya'y mapagbigay sa lahat ng tumatawag sa kanya.

¹³ Sapagkat,^(D) “Ang lahat ng tumatawag sa pangalan ng Panginoon ay maliligtas.”

¹⁴ Ngunit paano nga silang tatawag sa kanya na hindi nila sinampalatayanan? At paano sila sasampalataya sa kanya na hindi nila napakinggan? At paano sila makikinig kung walang mangangaral?

¹⁵ At^(E) paano sila mangangaral kung hindi sila sinugo? Gaya ng nasusulat, “Anong ganda ng mga paa ng mga nagdadala ng mabuting balita ng mabubuting bagay!”

¹⁶ Subalit^(F) hindi lahat ay sumunod sa ebanghelyo. Sapagkat sinasabi ni Isaias, “Panginoon, sino ang naniwala sa aming balita?”

¹⁷ Kaya ang pananampalataya ay nanggagaling sa pakikinig, at ang pakikinig ay sa pamamagitan ng salita ni Cristo.^[a]

¹⁸ Ngunit^(G) sinasabi ko, hindi ba nila narinig? Talagang narinig nila, sapagkat

¹⁹ Ngunit^(H) sinasabi ko, hindi ba naunawaan ng Israel? Una ay sinasabi ni Moises,

²⁰ At^(I) si Isaias ay buong tapang na nagsasabi,

²¹ Subalit^(J) tungkol sa Israel ay sinasabi niya, “Sa buong araw ay iniunat ko ang aking mga kamay sa isang suwail at mapagsalungat na bayan.”

10 Mga kapatid, ^(A)ang nais ng aking puso at ang aking panalangin sa Dios ay patungkol sa kanila, upang sila'y mangaligtas.

² Sapagka't sila'y pinatotohanan ko ^(B)na may mga pagmamalasakit sa Dios, datapuwa't hindi ayon sa pagkakilala.

³ Sapagka't sa hindi nila pagkaalam ng katuwiran ng Dios, at sa pagsusumakit na maitayo ang sariling kanila, ^(C)ay hindi sila napasakop sa katuwiran ng Dios.

⁴ Sapagka't si ^(D)Cristo ang kinauuwian ng kautusan sa ikatutuwid ng bawa't sumasampalataya.

⁵ Sapagka't isinulat ni Moises na ^(E)ang tao na gumagawa ng katuwirang ayon sa kautusan ay mabubuhay dahil dito.

⁶ Datapuwa't sinasabi ng katuwiran ayon sa pananampalataya ang ganito, ^(F)Huwag mong sabihin sa iyong puso, Sino ang aakyat sa langit? (sa makatuwid baga'y ^(G)upang ibaba si Cristo:)

⁷ O, Sino ang mananaog sa kalalimlaliman? (sa makatuwid baga'y upang iakyat si Cristo mula sa mga patay.)

⁸ Datapuwa't ano ang sinasabi nito? Ang salita ay ^(H)malapit sa iyo, sa iyong bibig, at sa iyong puso: sa makatuwid baga'y ang salita ng pananampalataya na aming ipinangangaral:

⁹ Sapagka't ^(I)kung ipahahayag mo ng iyong bibig si Jesus na Panginoon, at sasampalataya ka sa iyong puso na binuhay siyang maguli ng Dios sa mga patay ay maliligtas ka:

¹⁰ Sapagka't ang tao'y nanampalataya ng puso sa ikatutuwid; at ginagawa sa pamamagitan ng bibig ang pagpapahayag sa ikaliligtas.

¹¹ Sapagka't sinasabi ng kasulatan, ^(J)Ang lahat na sa kaniya'y nagsisisampalataya ay hindi mapapahiya.

¹² Sapagka't ^(K)walang pagkakaiba ang Judio at ang Griego: sapagka't ang Panginoon din ay ^(L)siyang Panginoon ng lahat, at mayaman siya sa lahat ng sa kaniya'y nagsisitawag:

¹³ Sapagka't, Ang ^(M)lahat na nagsisitawag sa pangalan ng Panginoon ay mangaliligtas.

¹⁴ Paano nga silang magsisitawag doon sa hindi nila sinampalatayanan? at paano silang magsisisampalataya sa kaniya na hindi nila napakinggan? at paano silang mangakikinig na walang tagapangaral?

¹⁵ At paano silang magsisipangaral, kung hindi sila mga ^(N)sinugo? gaya nga ng nasusulat, ^(O)Anong pagkaganda ng mga paa niyaong mga nagdadala ng masasayang balita ng mga bagay na mabuti!

¹⁶ Datapuwa't hindi silang lahat ay nakinig ng masasayang balita. Sapagka't sinasabi ni Isaias, ^(P)Panginoon, sino ang naniwala sa aming balita?

¹⁷ Kaya nga ang paniniwala'y nanggagaling sa pakikinig, at ang pakikinig ay sa pamamagitan ng salita ni Cristo.

¹⁸ Datapuwa't sinasabi ko, Hindi baga sila'y nangakinig? ^(Q)Oo, tunay nga,

¹⁹ Datapuwa't sinasabi ko, Hindi baga nalalaman ng Israel? Unauna'y sinasabi ni Moises,

²⁰ At si Isaias ay buong tapang na nagsasabi,

²¹ Datapuwa't tungkol sa Israel ay sinasabi niya,