Obadias 19-21

Ang Biblia, 2001

¹⁹ Silang nasa Negeb ay mag-aangkin ng Bundok ng Esau,
    at silang nasa Shefela ay ang lupain ng mga Filisteo;
at kanilang aangkinin ang lupain ng Efraim, at ang lupain ng Samaria;
    at aangkinin ng Benjamin ang Gilead.
²⁰ Ang mga bihag sa Hala na kabilang sa bayan ng Israel
    ay mag-aangkin ng Fenicia hanggang sa Zarefta;
at ang mga bihag ng Jerusalem na nasa Sefarad
    ay aangkinin ang mga bayan ng Negeb.
²¹ At ang mga tagapagligtas ay aahon sa Bundok ng Zion
    upang hatulan ang bundok ng Esau;
    at ang kaharian ay magiging sa Panginoon.