Nnwom 111

Nkwa Asem

Awurade ayeyi dwom

111 Kamfo Awurade! Mifi me koma nyinaa mu bɛda Awurade ase wɔ ne nkurɔfo a wɔabɔ gua no anim. ² Nneɛma a Awurade yɛ no yɛ nwonwa! Wɔn a wɔn ani gye ho no pɛ sɛ wɔte ase. ³ Tumi ne anuonyam wɔ nea ɔyɛ biara mu na ne trenee wɔ hɔ daa.

⁴ Awurade remma yɛn werɛ mfi n’anwonwade. Ne yam ye na ohu mmɔbɔ. ⁵ Wɔn a wodi no ni no, ɔma wɔn aduan. Ne werɛ mfi n’apam. ⁶ Wakyerɛ ne tumi akyerɛ ne nkurɔfo sɛ ɔde ananafo asase ama wɔn. ⁷ Biribiara a ɔyɛ no, ɔyɛ no nokwarem. Ne mmara nni huammɔ. ⁸ Bere biara ɛwɔ hɔ. Wɔhyɛɛ no nokware ne trenee mu. ⁹ Ɔmaa ne nkurɔfo dee wɔn ho na ɔne wɔn yɛɛ apam a ɛwɔ hɔ daa. Ɔyɛ kronkron ne Otumfoɔ!

¹⁰ Worepɛ nyansa a, di Awurade ni. Obu wɔn a wodi ne mmara so nyinaa atɛntrenee. Ɔsɛ ayeyi daa.