Mga Hukom 4:11-13

Ang Biblia, 2001

¹¹ Si Eber na Kineo ay humiwalay na sa mga Kineo, ang mga anak ni Hobab, na biyenan ni Moises, at itinayo ang kanyang tolda sa may punong ensina sa Zaananim, na malapit sa Kedes.

¹² Nang masabi kay Sisera na si Barak na anak ni Abinoam ay umahon sa bundok ng Tabor,

¹³ tinipon ni Sisera ang lahat ng kanyang mga karwahe, na siyamnaraang karwaheng bakal, at ang lahat ng mga lalaking kasama niya, mula sa Haroset-hagoiim hanggang sa Ilog Kishon.