Mga Gawa 26:29-31

Magandang Balita Biblia

²⁹ Sumagot si Pablo, “Maging sa maikli o sa mahabang panahon, loobin nawa ng Diyos na hindi lamang kayo, kundi ang lahat ng nakakarinig sa akin ngayon ay maging kagaya ko, maliban sa mga tanikalang ito.”

³⁰ Pagkatapos, tumayo ang hari, ang gobernador, si Bernice, at lahat ng kasama nila. ³¹ Lumabas sila at nag-usap-usap, “Ang taong ito'y walang ginawang anumang nararapat sa hatol na kamatayan o pagkabilanggo.”