Mga Awit 13

Ang Biblia (1978)

13 Hanggang kailan, Oh Panginoon? iyong kalilimutan ako magpakailan man?
^(A)Hanggang kailan ikukubli mo ang iyong mukha sa akin?
² Hanggang kailan kukuhang payo ako sa aking kaluluwa,
Na may kalumbayan sa aking puso buong araw?
Hanggang kailan magpapakataan ang aking kaaway sa akin?
³ Iyong bulayin, at sagutin mo ako, Oh Panginoon kong Dios:
^(B)Liwanagan mo ang aking mga mata, baka ako'y matulog ng tulog na kamatayan;
^4 (C)Baka sabihin ng aking kaaway,
Ako'y nanaig laban sa kaniya;
Baka ang aking mga kaaway ay mangagalak ^(D)pagka ako'y nakilos.
⁵ Nguni't ako'y tumiwala sa iyong kagandahang-loob.
Magagalak ang aking puso sa iyong pagliligtas:
⁶ Ako'y aawit sa Panginoon,
^(E)Sapagka't ginawan niya ako ng sagana.