मत्ती 7:16-20

New Chhattisgarhi Translation (नवां नियम छत्तीसगढ़ी)

¹⁶ ओमन के काम के दुवारा ओमन ला तुमन चिन डारहू। का मनखेमन कंटिली झाड़ी ले अंगूर या ऊंटकटारा झाड़ी ले अंजीर के फर टोरथें? ¹⁷ ओही किसम ले बने रूख ह बने फर देथे, अऊ खराप रूख ह खराप फर देथे। ¹⁸ बने रूख ह खराप फर नइं दे सकय अऊ न ही खराप रूख बने फर दे सकथे। ¹⁹ हर ओ रूख जऊन ह बने फर नइं देवय, काटे अऊ आगी म झोंके जाथे। ²⁰ ए किसम ले, ओमन के फर के दुवारा, तुमन ओमन ला चिन डारहू।