¹⁶ Makikilala ninyo sila sa kanilang mga gawa. Ang matitinik na halaman ay hindi namumunga ng ubas o igos. ¹⁷ Ang mabuting puno ay namumunga ng mabuting bunga, at ang masamang puno ay namumunga ng masama. ¹⁸ Ang mabuting puno ay hindi namumunga ng masama, at ang masamang puno ay hindi namumunga ng mabuti. ¹⁹ Ang lahat ng punong hindi namumunga ng mabuti ay pinuputol at itinatapon sa apoy. ²⁰ Kaya nga, makikilala ninyo ang mga huwad na propeta sa kanilang mga gawa.”

Nakikilala ang Puno sa Bunga Nito^(A)

³³ “Nakikilala ang puno sa bunga nito. Kung mabuti ang puno, mabuti rin ang bunga nito. Kung masama ang puno, masama rin ang bunga nito. ³⁴ Mga lahi kayo ng ahas! Paano kayo makakapagsalita ng mabuti gayong masasama kayo? Sapagkat kung ano ang laman ng puso ng isang tao, ito ang lumalabas sa kanyang bibig. ³⁵ Ang mabuting tao ay nagsasalita ng mabuti, dahil puno ng kabutihan ang kanyang puso. Pero ang masamang tao ay nagsasalita ng masama, dahil puno ng kasamaan ang kanyang puso.