Mateo 27:20-22

Magandang Balita Biblia

²⁰ Ang mga tao nama'y hinikayat ng mga punong pari at ng mga pinuno ng bayan^[a] na hilingin kay Pilato na si Barabbas ang palayain at si Jesus ay ipapatay. ²¹ Muli silang tinanong ng gobernador, “Sino sa dalawa ang nais ninyong palayain ko?”

“Si Barabbas!” sigaw ng mga tao.

²² Sinabi sa kanila ni Pilato, “Kung gayon, ano ang gagawin ko kay Jesus, na tinatawag na Cristo?”

At sumagot ang lahat, “Ipako siya sa krus!”