^24 (A)Ang Anak ng tao ay papanaw, ^(B)ayon sa nasusulat tungkol sa kaniya: datapuwa't ^(C)sa aba niyaong taong magkakanulo sa Anak ng tao! mabuti pa sana sa taong yaon ang hindi na siya ipinanganak.

⁷ Siya'y napighati, gayon man nang siya'y dinalamhati ay ^(A)hindi nagbuka ng kaniyang bibig; ^(B)gaya ng kordero na dinadala sa patayan, at gaya ng tupang nasa harap ng mga manggugupit sa kaniya ay pipi, gayon ma'y hindi niya binuka ang kaniyang bibig.

⁸ Sa pamamagitan ng kapighatian at kahatulan ay dinala siya: at tungkol sa kaniyang lahi, ^(C)sino sa kanila ang gumunita na siya'y nahiwalay sa lupain ng buhay? dahil sa pagsalangsang ng aking bayan ay nasaktan siya.

⁹ At ginawa nila ang kaniyang libingan na kasama ng mga masama, at kasama ^(D)ng isang lalaking mayaman sa kaniyang kamatayan; bagaman ^(E)hindi siya gumawa ng pangdadahas, o wala mang anomang karayaan sa kaniyang bibig.

¹⁰ Gayon ma'y kinalugdan ng Panginoon na mabugbog siya; inilagay niya siya sa pagdaramdam: pagka iyong gagawin ang kaniyang kaluluwa na pinakahandog dahil sa kasalanan, ^(F)makikita niya ang kaniyang lahi, ^(G)pahahabain niya ang kaniyang mga kaarawan, at ang pagkalugod ng Panginoon ay lalago sa kaniyang kamay.