Mateo 24:25-27

Ang Bagong Tipan: Filipino Standard Version

²⁵ Tandaan ninyo, sinabi ko na sa inyo bago pa man ito mangyari. ²⁶ Kaya, ^(A) kapag sinabi nila sa inyo, ‘Tingnan ninyo, naroon siya sa ilang,’ huwag kayong lumabas. Kung sabihin nila, ‘Tingnan ninyo, nasa loob siya ng mga silid,’ huwag kayong maniwala. ²⁷ Sapagkat kung paano dumarating ang kidlat mula sa silangan at gumuguhit hanggang sa kanluran, sa gayunding paraan ang pagdating ng Anak ng Tao.