⁹ Hindi pa baga ninyo natatalastas, ^(A)at hindi ninyo naaalaala ang limang tinapay sa limang libong lalake, at kung ilang bakol ang inyong nailigpit?

¹⁰ Ni yaong pitong tinapay ^(B)sa apat na libong lalake, at kung ilang bakol ang inyong nailigpit?

¹¹ Ano't hindi ninyo napaguunawa na hindi ang sinabi ko sa inyo'y tungkol sa tinapay? Datapuwa't kayo'y mangagingat sa lebadura ng mga Fariseo at ng mga Saduceo.

⁹ Hindi^(A) pa ba ninyo nauunawaan o natatandaan ang limang tinapay para sa limang libo at kung ilang kaing ang inyong natipon?

¹⁰ O^(B) iyong pitong tinapay para sa apat na libo at kung ilang kaing ang inyong natipon?

¹¹ Paanong hindi ninyo naunawaan na ang sinabi ko ay hindi tungkol sa tinapay? Ngunit mag-ingat kayo sa lebadura ng mga Fariseo at mga Saduceo!”