Marcos 15:21-23

Magandang Balita Biblia

Ipinako sa Krus si Jesus^(A)

²¹ Nasalubong^(B) nila sa daan ang isang lalaking galing sa bukid, si Simon na taga-Cirene na ama nina Alejandro at Rufo. Pilit nilang ipinapasan sa kanya ang krus ni Jesus. ²² Kanilang dinala si Jesus sa lugar na tinatawag na Golgotha, na ang ibig sabihi'y “Pook ng Bungo.” ²³ Siya'y binibigyan nila ng alak na may kahalong mira, ngunit hindi niya ito ininom.