Lucas 2:7-9

Magandang Balita Biblia (with Deuterocanon)

⁷ Isinilang niya ang kanyang panganay, na isang lalaki. Binalot niya sa lampin ang sanggol at inihiga sa isang sabsaban, sapagkat wala nang lugar para sa kanila sa bahay-panuluyan.

Ang mga Pastol at ang mga Anghel

⁸ Doon ay may mga pastol na nasa parang at nagbabantay ng kanilang mga tupa nang gabing iyon. ⁹ At tumayo^(A) sa harapan nila ang isang anghel ng Panginoon at nagliwanag sa kapaligiran nila ang kaluwalhatian ng Panginoon. Ganoon na lamang ang kanilang pagkatakot.