Ang 30 Mahalagang Kawikaan

¹⁷ Pakinggan mo ang mga sinasabi ng marurunong. Pakinggan mong mabuti habang itinuturo ko ito sa iyo, ¹⁸ dahil magbibigay ito sa iyo ng kaligayahan kung malalaman mo ito at masasaulo. ¹⁹ Itinuturo ko ito sa iyo ngayon upang magtiwala ka sa Panginoon.

²⁰ Ang 30 Kawikaang ito na isinulat ko ay magdudulot sa iyo ng mga karunungan at payo. ²¹ Sa pamamagitan nitoʼy malalaman mo ang mga katotohanan at masasagot mo ang mga magtatanong sa iyo.^[a]