Karunungan ni Solomon 9:2-4

Magandang Balita Biblia (with Deuterocanon)

² Sa iyong Karunungan, nilikha mo ang sangkatauhan
upang maghari sa sangnilikha,
³ upang pamahalaan ang daigdig nang may kabanalan at katuwiran,
at pairalin ang katarungan nang may katapatan.
⁴ Bahaginan mo po ako ng Karunungang nakaluklok sa tabi ng iyong trono,
at ibilang mo po ako sa iyong mga lingkod.