Joel 1

Ang Biblia (1978)

Ang bayan ay masasalot ng balang.

1 Ang salita ng Panginoon na dumating kay Joel na anak ni Pethuel.

² Dinggin ninyo ito, ninyong mga ^(A)matanda, at pakinggan ninyo, ninyong lahat na mananahan sa lupain. ^(B)Nagkaroon baga nito sa inyong mga kaarawan o sa mga kaarawan ng inyong mga magulang?

^3 (C)Saysayin ninyo sa inyong mga anak, at saysayin ng inyong mga anak sa kanilang mga anak, at ng kanilang mga anak sa susunod na lahi.

⁴ Ang iniwan ^(D)ng tipaklong, ay kinain ng balang; at ang iniwan ng balang ay kinain ng uod; at ang iniwan ng uod ay kinain ng kuliglig.

Ang kabagsikan ng pagdalaw.

⁵ Magsibangon kayo, kayong mga manglalasing, at magsiiyak kayo; at manambitan kayo, kayong lahat na manginginom ng alak, dahil sa matamis na alak; ^(E)sapagka't nahiwalay sa inyong bibig.

⁶ Sapagka't ^(F)isang bansa ay sumampa sa aking lupain, malakas at walang bilang; ang kaniyang mga ngipin ay mga ngipin ng leon, at siya'y may bagang ng malaking leon.

⁷ Kaniyang iniwasak ang aking puno ng ubas, at ibinagsak ang aking puno ng igos: kaniyang tinalupang malinis at inihagis; ang mga sanga niyao'y naging maputi.

⁸ Managhoy ka na parang babaing nabibigkisan ng kayong magaspang dahil sa ^(G)asawa ng kaniyang kabataan.

⁹ Ang handog na harina ^(H)at ang inuming handog ay nahiwalay sa bahay ng Panginoon; ang mga saserdote, ang mga tagapangasiwa ng Panginoon, ay nangananangis.

¹⁰ Ang bukid ay sira, ang lupain ay ^(I)nahahapis; sapagka't ang trigo ay sira, ang bagong alak ay tuyo, ang langis ay kulang.

¹¹ Mangahiya kayo, Oh kayong mga mangbubukid, manambitan kayo, Oh kayong mga maguubas, dahil sa trigo at dahil sa cebada; sapagka't ang pagaani sa bukid ay nawala.

¹² Ang puno ng ubas ay natuyo, at ang puno ng higos ay nalalanta; ang puno ng granada, ang puno ng palma ay gayon din at ang puno ng manzanas, lahat ng punong kahoy sa parang ay tuyo; sapagka't ang kagalakan ay ^(J)nawala sa mga anak ng mga tao.

¹³ Mangagbigkis kayo ng kayong magaspang, at magsipanaghoy kayong mga ^(K)saserdote; manambitan kayo, kayong mga tagapangasiwa ng dambana; halikayo, magsihiga kayo magdamag sa kayong magaspang, kayong mga tagapangasiwa ng aking Dios: sapagka't ang handog na harina at ang inuming handog ay nahiwalay sa bahay ng inyong Dios.

^14 (L)Mangaghayag kayo ng ayuno, magsitawag kayo ^(M)ng isang takdang kapulungan, inyong pisanin ang mga matanda at ang lahat na mananahan sa lupain sa bahay ng Panginoon ninyong Dios, at magsidaing kayo sa Panginoon.

¹⁵ Sa aba ng araw na yaon! sapagka't ang ^(N)kaarawan ng Panginoon ay malapit na, at darating na parang kagibaan na mula sa Makapangyarihan sa lahat.

¹⁶ Hindi baga ang pagkain ay nahiwalay sa ating mga mata, oo, ^(O)ang kagalakan at ang kasayahan ay nahiwalay sa bahay ng ating Dios?

¹⁷ Ang mga binhi ay nangabubulok sa kanilang bugal; ang mga kamalig ay nangakahandusay na sira, ang mga imbakan ay bagsak; sapagka't ang trigo ay natuyo.

¹⁸ Ganyan na lamang ang ungal ^(P)ng mga hayop! ang mga kawan ng mga hayop ay natitigilan, sapagka't wala silang pastulan; oo, ang mga kawan ng tupa ay ^(Q)nangapahamak.

¹⁹ Oh Panginoon, sa iyo'y dumadaing ako: sapagka't sinupok ng apoy ang mga pastulan sa ilang, at sinunog ng liyab ang lahat na punong kahoy sa parang.

²⁰ Oo, ang mga hayop sa bukid ay ^(R)nagsisihingal sa iyo; sapagka't ang mga batis ng tubig ay nangatuyo, at sinupok ng apoy ang mga pastulan sa ilang.