Jeremias 48:6-8

Magandang Balita Biblia

⁶Tumakas kayo, iligtas ninyo ang inyong buhay,
gaya ng mailap na asno sa disyerto.

⁷“Mga taga-Moab, dahil nagtiwala kayo sa inyong lakas at kayamanan,
    kayo'y malulupig din;
at dadalhing-bihag ang diyus-diyosan ninyong si Quemos,
    pati ang kanyang mga pari at mga lingkod.
⁸Papasukin ng tagawasak ang bawat lunsod;
    at walang makakatakas.
Mawawasak ang kapatagan at ang libis ay guguho.