Isaias 64:7-9
Ang Biblia, 2001
7 At walang tumatawag sa iyong pangalan,
na gumigising upang sa iyo ay manangan;
sapagkat ikinubli mo ang iyong mukha sa amin,
at ibinigay mo kami sa kamay ng aming mga kasamaan.
8 Ngunit ngayon, O Panginoon, ikaw ay aming Ama;
kami ang luwad, at ikaw ang aming magpapalayok;
at kaming lahat ay gawa ng iyong kamay.
9 Huwag kang lubhang magalit, O Panginoon,
at huwag mong alalahanin ang kasamaan magpakailanman.
Narito, tingnan mo, ngayon kaming lahat ay iyong bayan.
Isaias 64:7-9
Ang Dating Biblia (1905)
7 At walang tumatawag ng iyong pangalan, na gumigising upang manghawak sa iyo; sapagka't ikinubli mo ang iyong mukha sa amin, at iyong pinugnaw kami sa aming mga kasamaan.
8 Nguni't ngayon, Oh Panginoon, ikaw ay aming Ama; kami ang malagkit na putik, at ikaw ay magpapalyok sa amin; at kaming lahat ay gawa ng iyong kamay.
9 Huwag kang lubhang mapoot, Oh Panginoon, o umalaala man ng kasamaan ng magpakailan man: narito, tingnan mo, isinasamo namin sa iyo, kaming lahat ay iyong bayan.
Read full chapter
Isaias 64:7-9
Ang Salita ng Dios (Tagalog Contemporary Bible)
7 Wala kahit isa man sa amin ang humihiling at nagsusumikap na kumapit sa inyo. Sapagkat lumayo po kayo sa amin, at pinabayaan nʼyo kaming mamatay dahil sa aming mga kasalanan. 8 Pero, Panginoon, kayo pa rin ang aming Ama. Ang katulad ninyoʼy magpapalayok, at kami naman ay parang putik. Kayo ang gumawa sa aming lahat. 9 Panginoon, huwag nʼyo naman pong lubusin ang inyong galit sa amin o alalahanin ang mga kasalanan namin magpakailanman. Nakikiusap po kami sa inyo na dinggin nʼyo kami, dahil kaming lahat ay inyong mamamayan.
Read full chapter
Isaias 64:7-9
Ang Biblia (1978)
7 At walang tumatawag ng iyong pangalan, na gumigising upang manghawak sa iyo; sapagka't (A)ikinubli mo ang iyong mukha sa amin, at iyong pinugnaw kami sa aming mga kasamaan.
8 Nguni't ngayon, Oh Panginoon, (B)ikaw ay aming Ama; kami ang malagkit na putik, (C)at ikaw ay magpapalyok sa amin; at kaming lahat ay (D)gawa ng iyong kamay.
9 Huwag kang lubhang mapoot, Oh Panginoon, o umalaala man ng kasamaan ng magpakailan man: narito, tingnan mo, isinasamo namin sa iyo, kaming lahat ay iyong (E)bayan.
Read full chapterAng Salita ng Dios (Tagalog Contemporary Bible) Copyright © 2009, 2011, 2014, 2015 by Biblica, Inc. ®
Ang Biblia Copyright © Philippine Bible Society 1905, 1915, 1933, 1978
