Isaias 55
Ang Biblia, 2001
Habag para sa Lahat
55 “O(A) lahat ng nauuhaw,
pumarito kayo sa tubig
at siyang walang salapi,
pumarito kayo, kayo'y bumili at kumain!
Pumarito kayo, kayo'y bumili ng alak at gatas
ng walang salapi at walang halaga.
2 Ano't kayo'y gumugugol ng salapi sa hindi pagkain,
at ng inyong sahod sa hindi nakakabusog?
Pakinggan ninyo akong mabuti, at kainin ninyo kung ano ang mabuti,
at malugod kayo sa katabaan.
3 Ang(B) inyong tainga ay inyong ikiling, at pumarito kayo sa akin;
kayo'y makinig upang ang inyong kaluluwa ay mabuhay.
Ako'y makikipagtipan sa inyo ng walang hanggan,
ayon sa tapat na kahabagang ipinakita kay David.
4 Narito, ginawa ko siyang saksi sa mga bayan,
isang pinuno at punong-kawal para sa mga bayan.
5 Narito, ang mga bansa na hindi mo nakikilala ay tatawagin mo,
at ang bansa na hindi ka nakikilala ay tatakbo sa iyo,
dahil sa Panginoon mong Diyos, at para sa Banal ng Israel;
sapagkat kanyang niluwalhati ka.
6 “Inyong hanapin ang Panginoon habang siya'y matatagpuan,
tumawag kayo sa kanya habang siya'y malapit.
7 Lisanin ng masama ang kanyang lakad,
at ng liko ang kanyang mga pag-iisip;
at manumbalik siya sa Panginoon, at kanyang kaaawaan siya;
at sa aming Diyos, sapagkat siya'y magpapatawad ng sagana.
8 Sapagkat ang aking mga pag-iisip ay hindi ninyo mga pag-iisip,
ni ang inyong mga pamamaraan ay aking mga pamamaraan, sabi ng Panginoon.
9 Sapagkat kung paanong ang langit ay higit na mataas kaysa lupa,
gayon ang aking mga pamamaraan ay higit na mataas kaysa inyong mga pamamaraan,
at ang aking mga pag-iisip kaysa inyong mga pag-iisip.
10 “Sapagkat(C) kung paanong ang ulan at ang niyebe ay bumabagsak mula sa langit,
at hindi bumabalik doon kundi dinidilig ang lupa,
at ito'y pinasisibulan at pinatutubuan,
at nagbibigay ng binhi sa maghahasik at pagkain sa kumakain,
11 magiging gayon ang aking salita na lumalabas sa bibig ko;
hindi ito babalik sa akin na walang bunga,
kundi gaganapin ang ayon sa layunin ko,
at magtatagumpay sa bagay na kung saan ay sinugo ko ito.
12 “Sapagkat kayo'y lalabas na may kagalakan,
at papatnubayang may kapayapaan.
Ang mga bundok at ang mga burol sa harapan ninyo
ay magbubulalas ng pag-awit,
at ipapalakpak ng lahat ng punungkahoy sa parang ang kanilang mga kamay.
13 Sa halip na tinik, puno ng sipres ang tutubo;
sa halip na dawag, tutubo ang punong mirtol;
at ito'y magiging sa Panginoon bilang isang alaala,
para sa walang hanggang tanda na hindi maglalaho.”
Isaias 55
Ang Dating Biblia (1905)
55 Oh lahat na nangauuhaw, magsiparito kayo sa tubig at siyang walang salapi; magsiparito kayo, kayo'y magsibili, at magsikain; oo, kayo'y magsiparito, kayo'y magsibili ng alak at gatas ng walang salapi at walang bayad.
2 Ano't kayo'y nangaggugugol ng salapi sa hindi pagkain? at ng inyong gawa sa hindi nakabubusog? inyong pakinggan ako, at magsikain kayo ng mabuti, at mangalugod kayo sa katabaan.
3 Inyong ikiling ang inyong tainga, at magsiparito kayo sa akin; kayo'y magsipakinig, at ang inyong kaluluwa ay mabubuhay: at ako'y makikipagtipan sa inyo ng walang hanggan, sa makatuwid baga'y ng tunay na mga kaawaan ni David.
4 Narito, ibinigay ko siya na pinakasaksi sa mga bayan, na patnubay at tagapagutos sa mga bayan.
5 Narito, ikaw ay tatawag ng bansa na hindi mo nakikilala; at bansa na hindi ka nakikilala ay tatakbo sa iyo, dahil sa Panginoon mong Dios, at dahil sa Banal ng Israel; sapagka't kaniyang niluwalhati ka.
6 Inyong hanapin ang Panginoon samantalang siya'y masusumpungan, magsitawag kayo sa kaniya samantalang siya'y malapit:
7 Lisanin ng masama ang kaniyang lakad, at ng liko ang kaniyang mga pagiisip; at manumbalik siya sa Panginoon, at kaaawaan niya siya; at sa aming Dios, sapagka't siya'y magpapatawad ng sagana.
8 Sapagka't ang aking mga pagiisip ay hindi ninyo mga pagiisip, o ang inyo mang mga lakad ay aking mga lakad, sabi ng Panginoon.
9 Sapagka't kung paanong ang langit ay lalong mataas kay sa lupa, gayon ang aking mga lakad ay lalong mataas kay sa inyong mga lakad, at ang aking mga pagiisip kay sa inyong mga pagiisip.
10 Sapagka't kung paanong ang ulan ay lumalagpak at ang niebe ay mula sa langit, at hindi bumabalik doon, kundi dinidilig ang lupa, at pinasisibulan at pinatutubuan ng halaman, at nagbibigay ng binhi sa maghahasik at pagkain sa mangangain;
11 Magiging gayon ang aking salita na lumalabas sa bibig ko: hindi babalik sa akin na walang bunga, kundi gaganap ng kinalulugdan ko, at giginhawa sa bagay na aking pinagsuguan.
12 Sapagka't kayo'y magsisilabas na may kagalakan, at papatnubayang may kapayapaan: ang mga bundok at ang mga burol ay magsisibulas ng pagawit sa harap ninyo, at ipapakpak ng lahat na punong kahoy sa parang ang kanilang mga kamay.
13 Kahalili ng tinik ay tutubo ang puno ng abeto; at kahalili ng dawag ay tutubo ang arayan: at sa Panginoon ay magiging pinaka pangalan, pinaka walang hanggang tanda na hindi mapaparam.
Isaiah 55
King James Version
55 Ho, every one that thirsteth, come ye to the waters, and he that hath no money; come ye, buy, and eat; yea, come, buy wine and milk without money and without price.
2 Wherefore do ye spend money for that which is not bread? and your labour for that which satisfieth not? hearken diligently unto me, and eat ye that which is good, and let your soul delight itself in fatness.
3 Incline your ear, and come unto me: hear, and your soul shall live; and I will make an everlasting covenant with you, even the sure mercies of David.
4 Behold, I have given him for a witness to the people, a leader and commander to the people.
5 Behold, thou shalt call a nation that thou knowest not, and nations that knew not thee shall run unto thee because of the Lord thy God, and for the Holy One of Israel; for he hath glorified thee.
6 Seek ye the Lord while he may be found, call ye upon him while he is near:
7 Let the wicked forsake his way, and the unrighteous man his thoughts: and let him return unto the Lord, and he will have mercy upon him; and to our God, for he will abundantly pardon.
8 For my thoughts are not your thoughts, neither are your ways my ways, saith the Lord.
9 For as the heavens are higher than the earth, so are my ways higher than your ways, and my thoughts than your thoughts.
10 For as the rain cometh down, and the snow from heaven, and returneth not thither, but watereth the earth, and maketh it bring forth and bud, that it may give seed to the sower, and bread to the eater:
11 So shall my word be that goeth forth out of my mouth: it shall not return unto me void, but it shall accomplish that which I please, and it shall prosper in the thing whereto I sent it.
12 For ye shall go out with joy, and be led forth with peace: the mountains and the hills shall break forth before you into singing, and all the trees of the field shall clap their hands.
13 Instead of the thorn shall come up the fir tree, and instead of the brier shall come up the myrtle tree: and it shall be to the Lord for a name, for an everlasting sign that shall not be cut off.
Ang Bagong Tipan: Filipino Standard Version, Copyright © Philippine Bible Society 2009.
