Isaias 52:8-10

Ang Salita ng Dios (Tagalog Contemporary Bible)

⁸ Sisigaw sa tuwa ang mga tagapagbantay ng lungsod dahil makikita nila ang pagbabalik ng Panginoon sa Jerusalem. ⁹ Sisigaw sa tuwa ang gibang Jerusalem dahil aaliwin at palalakasin na ng Panginoon ang kanyang mga mamamayan. Ililigtas niya ang Jerusalem! ¹⁰ Ipapakita ng Panginoon ang natatangi^[a] niyang kapangyarihan sa lahat ng bansa, at makikita ng buong mundo^[b] ang pagliligtas ng ating Dios.