Isaias 21:7-9

Ang Salita ng Dios (Tagalog Contemporary Bible)

⁷ Kinakailangang magbantay siya nang mabuti at ipaalam agad kapag nakakita siya ng mga karwahe na hila-hila ng dalawang kabayo, at mga sundalo na nakasakay sa mga asno at mga kamelyo.”

⁸ Sumigaw ang bantay, “Ginoo, araw-gabiʼy nagbabantay po ako sa tore. ⁹ At ngayon, tingnan nʼyo! May dumarating na mga karwahe na hila-hila ng dalawang kabayo.” At sinabi pa ng bantay, “Nawasak na ang Babilonia! Ang lahat ng imahen ng kanyang mga dios-diosan ay nagbagsakan sa lupa at nawasak lahat.”