Isaias 10:2-4

Magandang Balita Biblia

² upang pagkaitan ng katarungan ang mga nangangailangan,
    upang alisan ng karapatan ang mahihirap,
at upang pagsamantalahan ang mga biyuda at ulila.
³ Ano ang gagawin ninyo sa araw ng pagpaparusa,
    pagdating ng pagkawasak na magmumula sa malayo?
Kanino kayo lalapit upang humingi ng tulong,
    at kanino ninyo iiwanan ang inyong kayamanan,
⁴ upang hindi kayo mabilanggo, o mamatay sa labanan?
Sa kabila ng lahat ng ito, hindi nawawala ang kanyang poot;
    patuloy niyang paparusahan ang kanyang bayan.