Hageo 2:3-5

Ang Salita ng Dios (Tagalog Contemporary Bible)

³ “Sino sa inyo ang nakakita ng kagandahan noon ng templong ito? Ano ngayon ang tingin ninyo rito kung ihahambing sa dati? Maaaring sabihin ninyo na balewala lang ito. ⁴ Pero magpakatatag kayo! Ipagpatuloy ninyo ang paggawa ng templo dahil kasama ninyo ako, ang Makapangyarihang Panginoon. ⁵ Ganito rin ang ipinangako ko sa inyong mga ninuno nang inilabas ko sila^[a] sa Egipto. At ngayon, ang aking Espiritu ay mananatiling kasama ninyo, kaya huwag kayong matakot.