Habakuk 2:3-5

Ang Biblia, 2001

³ Sapagkat^(A) ang pangitain ay naghihintay pa ng panahon nito;
    at nagsasalita tungkol sa wakas—hindi ito magsisinungaling.
Kung ito'y parang mabagal ay hintayin mo;
    ito'y tiyak na darating, hindi ito maaantala.
⁴ Masdan^(B) mo ang palalo!
    Hindi tapat sa kanya ang kaluluwa niya,
    ngunit ang matuwid ay mabubuhay sa pamamagitan ng kanyang pananampalataya.
⁵ Bukod dito ang alak^[a] ay mandaraya;
    ang taong hambog ay hindi mamamalagi sa kanyang tahanan.
Ang kanyang nasa ay parang Sheol,
    at siya'y parang kamatayan na hindi masisiyahan.
Kanyang tinitipon para sa kanya ang lahat ng bansa
    at tinitipon para sa kanya ang lahat ng bayan.”