Genesis 18:17-19

Magandang Balita Biblia

¹⁷ Sinabi ni Yahweh, “Hindi ko dapat ilihim kay Abraham ang aking gagawin, ¹⁸ sapagkat pinili ko siya upang maging ama ng isang malaki at makapangyarihang bansa. Sa pamamagitan niya, ang lahat ng mga bansa sa daigdig ay aking pagpapalain. ¹⁹ Pinili ko si Abraham upang turuan niya ang kanyang lahi na sumunod sa aking mga utos, sa pamamagitan ng paggawa ng matuwid at pagpapairal ng katarungan. Kapag nangyari iyon, tutuparin ko ang aking pangako sa kanya.”