¹³ Tinubos^(A) tayo ni Cristo mula sa sumpa ng kautusan nang siya'y naging sumpa para sa atin—sapagkat nasusulat, “Sumpain ang bawat binibitay sa punungkahoy”—

¹⁴ upang kay Cristo Jesus ang pagpapala ni Abraham ay dumating sa mga Hentil, upang ating tanggapin ang pangako ng Espiritu sa pamamagitan ng pananampalataya.

Ang Pangako kay Abraham

¹⁵ Mga kapatid, ako ay nagsasalita ayon sa tao, kapag napagtibay na ang tipan ng isang tao, walang makapagdaragdag o makapagpapawalang-bisa nito.

¹³ Sa sumpa ng kautusan ay ^(A)tinubos tayo ni ^(B)Cristo, na naging sumpa sa ganang atin; sapagka't nasusulat, ^(C)Sinusumpa ang bawa't ^(D)binibitay sa punong kahoy:

¹⁴ Upang sa mga Gentil ay dumating ang pagpapala ni Abraham na kay Cristo Jesus; upang sa pamamagitan ng pananampalataya ay tanggapin natin ^(E)ang pangako ng Espiritu.

¹⁵ Mga kapatid, nagsasalita ako ^(F)ayon sa kaugalian ng mga tao: Bagama't ang ^(G)pakikipagtipan ay gawa lamang ng tao, gayon ma'y pagka pinagtibay, sinoman ay hindi makapagpapawalang kabuluhan, o makapagdaragdag man.