Galacia 1:17-19

Ang Salita ng Dios (Tagalog Contemporary Bible)

¹⁷ Hindi rin ako pumunta sa Jerusalem para makipagkita sa mga naunang naging apostol kaysa sa akin. Sa halip, pumunta ako sa Arabia at pagkatapos ay bumalik ako sa Damascus. ¹⁸ Pagkatapos ng tatlong taon, pumunta ako sa Jerusalem para makipagkita kay Pedro. Dalawang linggo akong namalagi sa kanya. ¹⁹ Wala na akong nakita pang ibang apostol maliban kay Santiago na kapatid ng Panginoon.