எசேக்கியேல் 27:1-28:19

Tamil Bible: Easy-to-Read Version

“‘தீருவே, நீ மிக அழகானவள் என்று எண்ணுகிறாய்.
    நீ முழுமையான அழகுடையவள் என்று எண்ணுகிறாய்!
⁴ உனது நகரைச் சுற்றி மத்திய தரைக்கடல்
    எல்லையாக இருக்கிறது.
உன்னைக் கட்டினவர்கள் உன்னிடமிருந்து புறப்படும்
    கப்பலைப்போன்று முழு அழகோடு கட்டினார்கள்.
⁵ சேனீர் மலைகளிலிருந்து வந்த தேவதாரு மரங்களால்
    உன் கப்பலின் தளத்திற்கான பலகைகளைச் செய்தார்கள்.
லீபனோனிலிருந்து கொண்டுவந்த கேதுரு மரங்களால்
    பாய்மரங்களைச் செய்தார்கள்.
⁶ பாசானின் கர்வாலி மரங்களினால்
    உன் துடுப்புகளைச் செய்தார்கள்.
சீப்புரு தீவுகளிலிருந்து கொண்டு வந்த பைன்மரத்தால்
    உன் கப்பல் தளத்தை செய்தார்கள்.
    அதனை அவர்கள் தந்தங்களால் அலங்காரம் செய்தனர்.
⁷ உன் பாய்க்காக எகிப்திலிருந்து வந்த சித்திரத்தையல் உள்ள
    சணல் நூல் புடவையைப் பயன்படுத்தினார்கள்.
    அந்தப் பாய் தான் உன் கொடியாக இருந்தது.
உன் அறையின் திரைச் சீலை நீலமும் சிவப்புமாக இருந்தது.
    அவை சீப்புரு தீவிலிருந்து வந்தது.
⁸ உனது படகுகளை சீதோன் அர்வாத் என்னும் நகரங்களின் ஜனங்கள் உங்களுக்காக ஓட்டினார்கள்.
    தீரு, உன் ஞானிகள் உனது கப்பலில் மாலுமிகளாக இருப்பார்கள்.
⁹ கேபாரின் நகரத்து மூப்பர்களும் ஞானிகளும்
    கப்பலில் உள்ள பலகைகளை ஒன்றோடொன்றை ஓட்டிக்கொண்டிருந்தார்கள்.
கடலில் உள்ள அனைத்து கப்பல்களும் அவற்றிலுள்ள மாலுமிகளும்
    உன்னுடன் வியாபாரம் செய்வதற்காக உன்னிடத்தில் இருந்தார்கள்.

“‘தீரு, நீயும் ஒரு சரக்குக் கப்பலைப்போன்றவள்.
    நீ கடலில் செல்வங்கள் ஏற்றப்பட்ட கப்பல்.
²⁶ கப்பலைச் செலுத்துகிறவர்கள் ஆழமான தண்ணீரில் உன்னை அழைத்துக்கொண்டு போனார்கள்.
    ஆனால் கடலில் உன் கப்பலை பலமான கிழக்குக் காற்று அழித்தது.
²⁷ உனது செல்வங்கள் எல்லாம் கடலுக்குள் மூழ்கும்.
    நீ விற்க வைத்திருந்த செல்வமும் வாங்கிய செல்வமும் கடலுக்குள் மூழ்கும்.
உனது கப்பலாட்களும், மாலுமிகளும், கப்பலைச் செப்பனிடுகிறவர்களும் உன் வியாபாரிகளும்
    உன்னில் உள்ள எல்லாப் போர் வீரர்களும்
கடலுக்குள் மூழ்குவார்கள்.
    இது, நீ அழியும் நாளில் நிகழும்!

²⁸ “‘நீ உனது வியாபாரிகளைத் தொலை தூர நாடுகளுக்கு அனுப்பினாய்.
    அந்த இடங்கள் உனது மாலுமியின் அழுகுரலைக் கேட்டு அச்சத்தால் நடுங்கும்!
²⁹ கப்பலைச் செலுத்தும் முழுக் குழுவும் கப்பலை விட்டுக் குதிக்கும்.
    கப்பலாட்களும் கடல் மாலுமிகள் அனைவரும் தம் கப்பல்களை விட்டுக் குதித்து கரையை அடைவார்கள்.
³⁰ அவர்கள் உன்னைப்பற்றி துக்கப்படுவார்கள்.
    அவர்கள் அழுவார்கள்.
    அவர்கள் தம் தலையில் மண்ணை வாரிப்போடுவார்கள்.
    அவர்கள் சாம்பலில் புரளுவார்கள்.
³¹ அவர்கள் உனக்காகத் தம் தலையை மொட்டையடிப்பார்கள்.
    அவர்கள் துக்கத்தின் ஆடையை அணிவார்கள்.
அவர்கள் உனக்காக மரித்துப்போனவர்களுக்காக அழுவதுபோன்று அழுவார்கள்.

“‘தீருவைப்போன்று யாருமில்லை!
    தீரு கடல் நடுவில் அழிக்கப்படுகிறது!
³³ உன் வியாபாரிகள் கடல் கடந்து போனார்கள்.
    உனது பெருஞ்செல்வம் மற்றும் உன் சந்தையின் மூலம் நீ பலரைத் திருப்திப்படுத்தினாய்.
    நீ பூமியின் அரசர்களைச் செல்வர்கள் ஆக்கினாய்!
³⁴ ஆனால் இப்பொழுது கடல் அலைகளால்
    ஆழங்களில் உடைக்கப்பட்டாய்.
நீ விற்ற அனைத்துப் பொருட்களும்
    உனது ஆட்களும் விழுந்துவிட்டனர்!
³⁵ கடலோரங்களில் வாழும் ஜனங்கள்
    உன்னைப்பற்றி அறிந்து திகைக்கிறார்கள்.
அவர்களின் அரசர்கள் மிகவும் பயந்திருக்கிறார்கள்.
    அவர்களின் முகங்கள் அதிர்ச்சியை காண்பிக்கின்றன.
³⁶ பிற நாடுகளில் உள்ள வியாபாரிகள்
    உனக்காக பரிகசிப்பார்கள்.
உனக்கு நிகழ்ந்தவை ஜனங்களைப் பயப்படச் செய்யும், ஏனென்றால்,
    நீ முடிந்துபோனாய்.
    நீ இனி இருக்கமாட்டாய்.’”

“‘நீ மிகவும் பெருமைகொண்டவன்!
    நீ சொல்கிறாய்: “நான் தெய்வம்!
கடல்களின் நடுவே தெய்வங்கள் வாழும் இடங்களில்
    நான் அமருவேன்.”

“‘நீ ஒரு மனிதன். தெய்வம் அல்ல!
    நீ தேவன் என்று மட்டும் நினைக்கிறாய்.
³ நீ தானியேலைவிட புத்திசாலி என்று நினைக்கிறாய்!
    உன்னால் எல்லா இரகசியங்களையும் கண்டுபிடிக்க முடியும் என்று நினைக்கிறாய்!
⁴ உனது ஞானத்தாலும், புத்தியினாலும்
    நீ உனது செல்வத்தை பெற்றாய்.
நீ பொன்னையும் வெள்ளியையும்
    உன் செல்வத்தில் சேர்த்துக்கொண்டாய்.
⁵ உன் ஞானத்தாலும் வியாபாரத்தாலும்
    செல்வத்தை வளரச்செய்தாய்.
அச்செல்வத்தால்
    இப்பொழுது பெருமைகொள்கிறாய்.

⁶ “‘எனவே எனது கர்த்தராகிய ஆண்டவர் இவற்றைக் கூறுகிறார்:
தீரு, நீ ஒரு தேவனைபோன்று உன்னை நினைத்தாய்.
⁷ உனக்கு எதிராகச் சண்டையிட நான் அந்நியரை அழைப்பேன்.
    அவர்கள், நாடுகளிலேயே மிகவும் கொடூரமானவர்கள்!
அவர்கள் தம் வாளை உருவி,
    உனது ஞானத்தால் கொண்டுவந்த அழகிய பொருட்களுக்கு எதிராகப் பயன்படுத்துவார்கள்.
    அவர்கள் உன் சிறப்பைக் குலைப்பார்கள்.
⁸ அவர்கள் உன்னைக் குழியிலே விழத் தள்ளுவார்கள்.
    நீ கடலின் நடுவே கொலையுண்டு மரிக்கிற பயணிகளைப்போன்று மரிப்பாய்.
⁹ அம்மனிதன் உன்னைக் கொல்வான்.
    “நான் ஒரு தேவன்” என்று இனியும் சொல்வாயா?
இல்லை! அவன் தனது வல்லமையால் உன்னை அடைவான்.
    நீ தேவனில்லை, மனிதன் என்பதை நீ அறிவாய்.
¹⁰ அந்நியர்கள் உன்னை வெளிநாட்டவரைப்போல நடத்தி கொலை செய்வார்கள்!
    அவை நிகழும், ஏனென்றால், நான் கட்டளையிட்டேன்!’”
எனது கர்த்தராகிய ஆண்டவர் இவற்றைக் கூறினார்.

“‘நீ உயர்ந்த (இலட்சிய) மனிதனாக இருந்தாய்.
    நீ ஞானம் நிறைந்தவன்.
    நீ முழுமையான அழகுள்ளவன்.
¹³ நீ ஏதேனில் இருந்தாய்.
அது தேவனுடைய தோட்டம்.
    உன்னிடம் எல்லா விலையுயர்ந்த கற்களும் பத்மராகம், புஷ்பராகம், வைரம், படிகப்பச்சை, கோமேதகம், யஸ்பி, இந்திரநீலம், மரகதம், மாணிக்கம் ஆகியவற்றை வைத்திருந்தாய்.
இவை அனைத்தும் பொன்னில் வைக்கப்பட்டிருந்தன.
    நீ படைக்கப்பட்ட நாளிலேயே இவ்வழகுகள் உனக்குக் கொடுக்கப்பட்டன.
    தேவன் உன்னை பலமுள்ளதாகச் செய்தார்.
¹⁴ நீ தேர்ந்தெடுக்கப்பட்ட கேரூப்களில் ஒருவன் உனது
    சிறகுகள் என் சிங்காசனத்தின்மேல் விரிந்தன.
நான் உன்னை தேவனுடைய பரிசுத்த மலையில் வைத்தேன்.
நீ அந்த இடத்திற்குப் பொறுப்பாளியாயிருந்தாய்.
    நீ நெருப்பைப்போன்று ஒளிவீசும் நகைகளின் மத்தியில் நடந்தாய்.
¹⁵ நான் உன்னைப் படைக்கும்போது நீ நல்லவனாகவும் நேர்மையானவனாகவும் இருந்தாய்.
    ஆனால் பிறகு கெட்டவனானாய்.
¹⁶ உனது வியாபாரம் உனக்குப் பெருஞ் செல்வத்தைத் தந்தது.
    ஆனால் அவை உனக்குள் கொடூரத்தை வைத்தன. நீ பாவம் செய்தாய்.
எனவே நான் உன்னைச் சுத்தமற்ற ஒன்றாக நடத்தினேன்.
    நான் உன்னைத் தேவனுடைய மலையில் இருந்து அப்பால் எறிந்தேன்.
நீ சிறப்புக்குரிய கேருபீன்களில் ஒருவன்.
    உனது சிறகுகள் என் சிங்காசனத்தின்மேல் விரிந்தன.
ஆனால் நான் உன்னை நெருப்பைபோன்று ஒளிவீசும்
    நகைகளைவிட்டு விலகச் செய்தேன்.
¹⁷ உனது அழகு உன்னைப் பெருமைகொள்ளச் செய்தது.
    உனது மகிமை உன் ஞானத்தை அழித்தது.
எனவே உன்னைத் தரையில் எறிவேன்.
    இப்பொழுது மற்ற அரசர்கள் உன்னை முறைத்துப் பார்க்கின்றனர்.
¹⁸ நீ பல பாவங்களைச் செய்தாய்.
நீ அநீதியான வியாபாரியாக இருந்தாய்.
    இவ்வாறு நீ பரிசுத்தமான இடங்களை அசுத்தமாக்கினாய்.
எனவே உனக்குள்ளிருந்து நெருப்பை நான் கொண்டுவந்தேன்.
    இது உன்னை எரித்தது!
நீ தரையில் எரிந்து சாம்பலானாய்.
    இப்பொழுது ஒவ்வொருவரும் உன் அவமானத்தைப் பார்க்கமுடியும்.

¹⁹ “‘மற்ற நாடுகளில் உள்ள ஜனங்கள் அனைவரும் உனக்கு என்ன நடந்தது என்பதை அறிந்து திகைத்தார்கள்.
    உனக்கு நடந்தது ஜனங்களை அஞ்சும்படிச் செய்யும்.
    நீ முடிவடைந்தாய்!’”