Ezekiel 18:6-8

Magandang Balita Biblia (with Deuterocanon)

⁶ Hindi siya nakikisalo sa handog na inihain sa mga sagradong burol, hindi sumasamba sa mga diyus-diyosan ng Israel. Hindi siya nangangalunya ni sumisiping sa babaing kasalukuyang nireregla. ⁷ Hindi siya nandadaya ng kapwa o nagnanakaw. Ibinabalik niya agad sa may-ari ang sangla ng nangungutang sa kanya. Marunong siyang tumulong sa nangangailangan. ⁸ Hindi siya nagpapatubo sa pagpapahiram ng pera. Siya ay makatarungan.