Awit ni Solomon 7:3-5

Magandang Balita Biblia

³ Ang iyong dibdib, O giliw, parang kambal na usa,
    punung-puno pa ng buhay, malulusog, masisigla.
⁴ Ang leeg mo ay katulad ng toreng gawa sa marmol,
    mga mata'y nagniningning, parang bukal sa may Hesbon.
Ilong mo ay ubod ganda, parang tore ng Lebanon,
    mataas na nakabantay sa may Lunsod ng Damasco.
⁵ Para bang Bundok ng Carmel, ulo mong napakaganda,
    ang buhok mong tinirintas, kasingganda ng purpura,
    kaya naman pati hari'y nabihag mo't nahalina.