Amos 4:9-11
Magandang Balita Biblia
9 “Sinira ko ang inyong pananim,
sa pamamagitan ng mainit na hangin at amag.
Kinain ng mga balang ang inyong mga halaman, pati ang mga puno ng ubas, igos at olibo,
gayunma'y hindi pa rin kayo nanumbalik sa akin.
10 “Pinadalhan ko kayo ng salot tulad ng aking ginawa sa Egipto.
Pinatay ko sa digmaan ang inyong kabinataan;
inagaw ko ang inyong mga kabayo.
Bumaho ang inyong mga kampo dahil sa mga nabubulok na bangkay; halos hindi kayo makahinga,
subalit hindi pa rin kayo nanumbalik sa akin.
11 “Pinuksa(A) ko ang ilan sa inyong lunsod tulad ng Sodoma at Gomorra.
Kayo'y parang nagbabagang kahoy na inagaw sa apoy,
ngunit ayaw pa rin ninyong manumbalik sa akin,” sabi ni Yahweh.
Amos 4:9-11
Ang Biblia (1978)
9 Aking sinalot kayo ng pagkalanta at ng amag: ang karamihan ng inyong mga halaman, at ng inyong mga ubasan, at ng inyong mga igusan, at ng inyong mga olibohan ay (A)nilipol ng tipaklong: gayon ma'y hindi kayo nanganumbalik sa akin, sabi ng Panginoon.
10 Aking pinarating sa gitna ninyo ang salot (B)na gaya ng sa Egipto: ang inyong mga binata ay pinatay ko ng tabak, (C)at dinala ko ang inyong mga kabayo; at aking pinaalingasaw ang baho ng inyong kampamento hanggang sa inyong mga butas ng ilong; gayon ma'y hindi kayo nanganumbalik sa akin, sabi ng Panginoon.
11 Aking ibinuwal ang iba sa inyo, (D)gaya nang ibuwal ng Dios ang Sodoma at Gomorra, at kayo'y naging gaya ng (E)dupong na naagaw sa apoy: gayon ma'y hindi kayo nanganumbalik sa akin, sabi ng Panginoon.
Read full chapterMagandang Balita Biblia, Copyright © Philippine Bible Society 2012.
Ang Biblia Copyright © Philippine Bible Society 1905, 1915, 1933, 1978