2 Samuel 21:15-17

Ang Biblia (1978)

Mga pakikidigma laban sa Filisteo.

¹⁵ At ang mga Filisteo ay nagkaroon ng pakikidigma uli sa Israel; at si David ay lumusong, at ang kaniyang mga lingkod na kasama niya, at nangakipagbaka laban sa mga Filisteo. At si David ay napagod.

¹⁶ At si Isbi-benob, na sa mga anak ng higante; na ang bigat ng sibat ^(A)niya ay tatlong daang siklong tanso, na palibhasa'y nabibigkisan ng bagong tabak ay nagmunukalang patayin si David.

¹⁷ Nguni't sinaklolohan siya ni ^(B)Abisai na anak ni Sarvia, at sinaktan ang Filisteo, at pinatay niya. Nang magkagayo'y nagsisumpa sa kaniya ang mga lalake ni David, na nangagsasabi, ^(C)Hindi ka na lalabas pa na kasama namin sa pakikipagbaka, upang huwag mong patayin ang tanglaw ng Israel.