2 Corinto 6:10-12

Magandang Balita Biblia

¹⁰ Ang tingin sa amin ay nalulungkot, gayong kami'y laging nagagalak; mga dukha, ngunit marami kaming pinapayaman; mga walang-wala, ngunit sagana sa lahat ng bagay.

¹¹ Mga taga-Corinto, tapatan ang pagsasalita namin sa inyo. Binuksan namin ang aming puso sa inyo. ¹² Hindi namin isinara ang aming puso sa inyo; kayo ang nagsara ng inyong puso sa amin.