2 Sapagkat ipinasiya ko sa aking sarili, na hindi na ako muling paririyan sa inyo na may malungkot na pagdalaw.

² Sapagkat kung kayo'y palungkutin ko, sino ang magpapagalak sa akin, kundi iyong pinalungkot ko?

³ At aking isinulat ang bagay na ito, upang pagdating ko ay huwag akong magkaroon ng kalungkutan mula doon sa mga nararapat magpagalak sa akin, sapagkat nakakatiyak ako sa inyong lahat na ang aking kagalakan ay magiging kagalakan ninyong lahat.

⁴ Sapagkat mula sa maraming kapighatian at hapis ng puso ay sinulatan ko kayo na may maraming luha; hindi upang kayo'y maging malungkot kundi upang inyong malaman ang masaganang pag-ibig na taglay ko para sa inyo.

Pagpapatawad sa Nagkasala

⁵ Subalit kung ang sinuman ay nakapagdulot ng kalungkutan, hindi ako ang pinalungkot niya, kundi sa isang paraan ay kayong lahat, upang huwag akong maging lubhang maghigpit sa inyong lahat.

⁶ Para sa gayong tao, ang kaparusahang ito ng nakararami ay sapat na.

⁷ Bagkus, inyong patawarin siya at aliwin, baka siya ay madaig ng labis na kalungkutan.

⁸ Kaya't ako'y nakikiusap sa inyo na papagtibayin ninyo ang inyong pag-ibig sa kanya.

⁹ Sapagkat ito ang dahilan kung bakit ako sumulat, upang aking masubok kayo at malaman kung kayo'y masunurin sa lahat ng mga bagay.

¹⁰ Ang inyong pinatatawad ay ipinatatawad ko rin. Ang aking pinatawad, kung ako'y nagpapatawad ay alang-alang sa inyo, sa harapan ni Cristo.

¹¹ At ito ay aming ginagawa upang huwag kaming malamangan ni Satanas, sapagkat kami ay hindi mangmang tungkol sa kanyang mga balak.

Pangamba ni Pablo sa Troas

¹² Nang^(A) ako'y dumating sa Troas upang ipangaral ang ebanghelyo ni Cristo, may pintong nabuksan para sa akin sa Panginoon,

¹³ subalit ang aking isipan ay hindi mapalagay, sapagkat hindi ko natagpuan doon si Tito na aking kapatid. Kaya't ako'y nagpaalam sa kanila at nagtungo sa Macedonia.

Tagumpay sa Pamamagitan ni Cristo

¹⁴ Subalit salamat sa Diyos, na siyang laging nagdadala sa atin sa pagtatagumpay kay Cristo, at sa pamamagitan natin ay ipinahahayag ang samyo ng pagkakilala sa kanya sa bawat dako.

¹⁵ Sapagkat kami ang mabangong samyo ni Cristo sa Diyos sa mga iniligtas at sa mga napapahamak;

¹⁶ sa isa ay samyo mula sa kamatayan tungo sa kamatayan, at sa iba ay samyong mula sa buhay tungo sa buhay. At sino ang sapat para sa mga bagay na ito?

¹⁷ Sapagkat kami ay hindi gaya ng marami na kinakalakal ang salita ng Diyos, kundi bilang mga taong tapat, bilang inatasan ng Diyos sa harapan ng Diyos ay nagsasalita kami para kay Cristo.

2 Datapuwa't ito'y ipinasiya ko sa aking sarili, na ^(A)hindi na ako muling paririyan sa inyo na may kalumbayan.

^2 (B)Sapagka't kung kayo'y palulumbayin ko, sino nga ang sa akin ay magpapagalak, kundi yaong pinalulumbay ko?

³ At aking isinulat ang bagay ring ito, upang pagdating ko ay ^(C)huwag akong magkaroon ng kalumbayan doon sa mga nararapat kong ikagalak; sa pagkakatiwala sa inyong lahat, na ang aking kagalakan ay kagalakan ninyong lahat.

⁴ Sapagka't sa malaking kapighatian at hapis ng puso ay sinulatan ko kayo na may maraming luha; ^(D)hindi upang kayo'y palumbayin, kundi upang inyong makilala ang pagibig kong napakasagana sa inyo.

⁵ Datapuwa't ^(E)kung ang sinoman ay nakapagpalumbay, hindi ako ang pinalumbay niya, kundi sa isang paraan ay kayong lahat (upang huwag kong higpitang totoo).

⁶ Sukat na sa gayon ang kaparusahang ito na ipinarusa ^(F)ng marami;

^7 (G)Upang bagkus ninyong patawarin siya at aliwin siya, baka sa anomang paraan ay madaig ang gayon ng kaniyang malabis na kalumbayan.

⁸ Dahil dito'y ipinamamanhik ko sa inyo na papagtibayin ninyo ang pagibig sa kaniya.

⁹ Sapagka't dahil din sa bagay na ito ay sumulat ako, upang aking makilala ang katunayan tungkol sa inyo, kung kayo'y mga ^(H)matalimahin sa lahat ng mga bagay.

¹⁰ Datapuwa't ang ^(I)inyong pinatatawad ng anoman ay pinatatawad ko rin naman: sapagka't ang aking ipinatawad naman, kung ako'y nagpapatawad ng anoman, ay dahil sa inyo, sa harapan ni Cristo;

¹¹ Upang huwag kaming malamangan ni ^(J)Satanas: sapagka't kami ay ^(K)hindi hangal sa kaniyang mga lalang.

¹² Nang ako'y ^(L)dumating nga sa Troas dahil sa evangelio ni Cristo, at nang mabuksan sa akin ang isang ^(M)pinto sa Panginoon,

¹³ Ay hindi ako nagkaroon ng ^(N)katiwasayan sa aking espiritu, sapagka't hindi ko nasumpungan si Tito na kapatid ko: datapuwa't pagkapagpaalam ko sa kanila, ^(O)ako'y napasa Macedonia.

¹⁴ Datapuwa't salamat sa Dios, na laging ^(P)pinapagtatagumpay tayo kay Cristo, at sa pamamagitan natin ay ipinahahayag ^(Q)ang samyo ng pagkakilala sa kaniya sa bawa't dako.

¹⁵ Sapagka't ^(R)sa mga inililigtas, at ^(S)sa mga napapahamak ay masarap tayong samyo ni Cristo sa Dios;

¹⁶ Sa isa ay samyo ^(T)mula sa kamatayan sa ikamamatay; at sa iba ay samyong mula sa kabuhayan sa ikabubuhay. At sino ang sapat ^(U)sa mga bagay na ito?

¹⁷ Sapagka't hindi kami gaya ng karamihan na kinakalakal ang salita ng Dios: kundi sa ^(V)pagtatapat, at gaya ng mula sa Dios, sa harapan ng Dios ay nagsasalita kami para kay Cristo.