1 Timoteo 2

Ang Biblia (1978)

2 Una-una nga sa lahat ng mga bagay, ay iniaaral ko na ^(A)manaing, manalangin, mamagitan, at magpasalamat na patungkol sa lahat ng mga tao;

² Ang mga hari at ^(B)ang lahat ng nangasa mataas na kalagayan; upang tayo'y mangabuhay na tahimik at payapa sa buong kabanalan at kahusayan.

³ Ito'y ^(C)mabuti at nakalulugod sa paningin ^(D)ng Dios na ating Tagapagligtas;

⁴ Na siyang ^(E)may ibig na ang lahat ng mga tao'y mangaligtas, at ^(F)mangakaalam ng katotohanan.

⁵ Sapagka't may isang Dios at ^(G)may ^(H)isang Tagapamagitan sa Dios at sa mga tao, ang taong si Cristo Jesus,

⁶ Na ibinigay ^(I)ang kaniyang sarili na pangtubos sa lahat; na pagpapatotoong mahahayag ^(J)sa sariling kapanahunan;

⁷ Na dito'y itinalaga ako na tagapangaral at ^(K)apostol (sinasabi ko ang katotohanan, hindi ako nagsisinungaling), ^(L)guro sa mga Gentil sa pananampalataya at katotohanan.

⁸ Ibig ko ngang ang mga tao'y magsipanalangin ^(M)sa bawa't dako, na iunat ang mga ^(N)kamay na banal, na walang galit at pakikipagtalo.

⁹ Gayon din naman, na ^(O)ang mga babae ay magsigayak ng mahinhing damit na may katimtiman at hinahon; hindi ng mahalagang hiyas ng buhok, at ginto o perlas o damit na mahalaga;

¹⁰ Kundi ^(P)(siyang nararapat sa mga babae na magpakabanal) sa pamamagitan ng mabubuting gawa.

¹¹ Ang babae'y magaral na tumahimik na may buong pagkapasakop.

¹² Nguni't hindi ko ipinahihintulot na ^(Q)ang babae ay magturo, ni magkaroon ng pamumuno sa lalake, kundi tumahimik.

¹³ Sapagka't si Adam ay siyang unang ^(R)nilalang, saka si Eva;

¹⁴ At si Adam ay hindi nadaya, kundi ^(S)ang babae nang madaya ay nahulog sa pagsalangsang;

¹⁵ Nguni't ililigtas siya sa pamamagitan ng panganganak, kung sila'y magsisipamalagi sa pananampalataya at pagibig at sa pagpapakabanal na may hinahon.