I Regum 10:21-23

Biblia Sacra Vulgata

²¹ Sed et omnia vasa quibus potabat rex Salomon, erant aurea: et universa supellex domus saltus Libani de auro purissimo: non erat argentum, nec alicujus pretii putabatur in diebus Salomonis,

²² quia classis regis per mare cum classe Hiram semel per tres annos ibat in Tharsis, deferens inde aurum, et argentum, et dentes elephantorum, et simias, et pavos.

²³ Magnificatus est ergo rex Salomon super omnes reges terrae divitiis et sapientia.