Pinagpala ng Dios si Noe.

9 At binasbasan ng Dios si Noe at ang kaniyang mga anak, at sa kanila'y sinabi, ^(A)Kayo'y magpalaanakin, at magpakarami at inyong kalatan ang lupa.

^2 (B)At ang takot sa inyo at sindak sa inyo ay mapapasa bawa't hayop sa lupa, at sa bawa't ibon sa himpapawid; lahat ng umuusad sa lupa, at lahat ng isda sa dagat, ay ibinibigay sa inyong kamay.

^3 (C)Bawa't gumagalaw na nabubuhay ay magiging pagkain ninyo; ^(D)gaya ng mga sariwang pananim na lahat ay ibinibigay ko sa inyo.

^4 (E)Ngunit ang lamang may buhay, na siya niyang dugo, ay huwag ninyong kakanin.

⁵ At tunay na hihingan ko ng sulit ang inyong dugo, ang dugo ng inyong mga buhay: ^(F)sa kamay ng bawa't ganid ay hihingan ko ng sulit; at sa kamay ng tao, sa kamay ng ^(G)bawa't kapatid ng tao ay hihingan ko ng sulit ang buhay ng tao.

^6 (H)Ang magbubo ng dugo ng tao, sa pamamagitan ng tao ay mabububo ang kaniyang dugo: ^(I)sapagka't sa larawan ng Dios nilalang ang tao.

⁷ At kayo'y magpalaanakin at magpakarami; magsilago kayo ng sagana sa lupa, at kayo'y magsidami riyan.

⁸ At nagsalita ang Dios kay Noe, at sa kaniyang mga anak na kasama niya, na sinasabi,

⁹ At ako, narito, ^(J)aking pinagtitibay ang aking tipan sa inyo, at sa inyong binhi na susunod sa inyo;

¹⁰ At sa bawa't nilikhang may buhay na kasama ninyo, ang mga ibon, ang hayop at bawa't ganid sa lupa na kasama ninyo; sa lahat ng lumunsad sa sasakyan pati sa bawa't ganid sa lupa.

¹¹ At aking ^(K)pagtitibayin ang aking tipan sa inyo; ni hindi ko na lilipulin ang lahat ng laman sa pamamagitan ng tubig ng baha; ni hindi na magkakaroon pa ng bahang gigiba ng lupa.

¹² At sinabi ng Dios, ^(L)Ito ang tanda ng tipang ginawa ko sa inyo, at sa bawa't kinapal na may buhay na kasama ninyo sa buong panahon:

¹³ Ang ^(M)aking bahaghari ay inilalagay ko sa alapaap, at siyang magiging tanda ng tipan ko at ng lupa.

¹⁴ At mangyayari, pagka ako'y magbababa ng isang alapaap sa ibabaw ng lupa, na makikita ang bahaghari sa alapaap.

^15 (N)At aalalahanin ko ang aking tipan, na inilagda ko sa akin at sa inyo, at sa bawa't kinapal na may buhay sa lahat ng laman; at ang tubig ay hindi na magiging bahang lilipol ng lahat ng laman.

¹⁶ At ang bahaghari ay pasa sa alapaap, at aking mamasdan, upang aking maalaala, ang walang hanggang tipan ng Dios at ng bawa't kinapal na may buhay sa lahat ng lamang nasa ibabaw ng lupa.

¹⁷ At sinabi ng Dios kay Noe, Ito ang tanda ng tipang inilagda ko ^(O)sa akin at sa lahat ng laman na nasa ibabaw ng lupa.

¹⁸ At ang mga anak ni Noe na nagsilunsad sa sasakyan ay si ^(P)Sem, at si Cham at si Japhet: at si Cham ay siyang ama ni Canaan.

¹⁹ Ang tatlong ito ay mga anak ni Noe: ^(Q)at sa mga ito'y nakalatan ang buong lupa.

²⁰ At nagpasimula si Noe na maging mangbubukid, at naglagay ng isang ubasan.

²¹ At uminom ng alak at nalango; at siya'y nahubaran sa loob ng kaniyang tolda.

²² At si Cham na ama ni Canaan ay nakakita ng kahubaran ng kaniyang ama, at isinaysay sa kaniyang dalawang kapatid na nangasa labas.

²³ At kumuha si Sem at si Japhet ng isang balabal, at isinabalikat nilang dalawa, at lumakad ng paurong, at tinakpan ang kahubaran ng kanilang ama; at ang mukha nila ay patalikod, at hindi nila nakita ang kahubaran ng kanilang ama.

²⁴ At nagising si Noe sa kaniyang pagkalango sa alak, at naalaman ang ginawa sa kaniya ng kaniyang bunsong anak.

Ang sumpa sa Canaan.

²⁵ At sinabi,

²⁶ At sinabi niya,

²⁷ Pakapalin ng Dios si Japhet.

²⁸ At nabuhay si Noe pagkaraan ng bahang gumunaw, ng tatlong daan at limang pung taon.

²⁹ At ang lahat ng naging araw ni Noe ay siyam na raan at limang pung taon: at namatay.

Ang Tipan ng Diyos kay Noe

9 Binasbasan^(A) ng Diyos si Noe at ang kanyang mga anak at sa kanila'y sinabi, “Kayo'y magkaroon ng mga anak at magpakarami, at inyong punuin ang lupa.

² Ang takot at sindak sa inyo ay darating sa bawat hayop sa lupa, sa bawat ibon sa himpapawid, sa lahat ng gumagapang sa lupa, at sa lahat ng isda sa dagat. Sila ay ibinibigay sa inyong kamay.

³ Bawat gumagalaw na nabubuhay ay magiging pagkain ninyo; at kung paanong ibinigay ko sa inyo ang mga luntiang halaman, ibinibigay ko sa inyo ang lahat ng mga bagay.

⁴ Ngunit^(B) huwag ninyong kakainin ang laman na kasama ang buhay nito, ito ay ang kanyang dugo.

⁵ At tiyak na aking hihingan ng sulit ang umutang sa inyong dugo. Aking hihingin ito sa bawat hayop at sa mga tao, bawat isa para sa dugo ng iba. Hihingan ko ng sulit ang umutang sa buhay ng tao.

⁶ Sinumang^(C) magpadanak ng dugo ng tao, ang dugo ng taong iyon ay papadanakin ng ibang tao; sapagkat nilalang ang tao sa larawan ng Diyos.

⁷ At^(D) kayo'y magkaroon ng mga anak at magpakarami; magbunga kayo nang sagana sa lupa at magpakarami kayo roon.”

⁸ At nagsalita ang Diyos kay Noe at sa mga anak na kasama niya, na sinasabi,

⁹ “Narito, aking itinatatag ang tipan sa inyo, at sa inyong mga anak na susunod sa inyo;

¹⁰ at sa bawat nilikhang may buhay na kasama ninyo, ang mga ibon, ang maamong hayop at bawat mailap na hayop sa lupa na kasama ninyo, sa lahat ng lumabas sa daong, sa bawat hayop sa lupa.

¹¹ Aking pinagtitibay ang aking tipan sa inyo; hindi ko na lilipulin ang lahat ng mga tao sa pamamagitan ng tubig ng baha at hindi na magkakaroon pa ng bahang magwawasak ng lupa.”

¹² Sinabi ng Diyos, “Ito ang tanda ng tipang gagawin ko sa inyo, at sa bawat nilalang na may buhay na kasama ninyo sa buong panahon.

¹³ Inilagay ko ang aking bahaghari sa ulap, at ito ay magiging tanda ng tipan ko at ng lupa.

¹⁴ At kapag tinipon ko ang mga ulap sa ibabaw ng lupa, ang bahaghari ay makikita sa ulap.

¹⁵ Aalalahanin ko ang aking tipan sa inyo, at sa bawat nilalang na may buhay; at ang tubig ay hindi na magiging bahang lilipol ng lahat ng nabubuhay.^[a]

¹⁶ Kapag ang bahaghari ay nasa ulap, ito ay aking makikita at maaalala ang walang hanggang tipan sa pagitan ng Diyos at ng bawat nilalang na may buhay na nasa ibabaw ng lupa.”

¹⁷ Sinabi ng Diyos kay Noe, “Ito ang tanda ng tipan na aking itinatag sa lahat ng nabubuhay na nasa ibabaw ng lupa.”

Si Noe at ang Kanyang mga Anak

¹⁸ Ang mga anak ni Noe na lumabas sa daong ay sina Sem, Ham, at Jafet. Si Ham ay siyang ama ni Canaan.

¹⁹ Ang mga ito ang tatlong mga anak ni Noe at sa kanila nagmula ang lahat ng tao sa lupa.

²⁰ Si Noe ay isang magbubukid at siyang pinakaunang nagtanim ng ubasan.

²¹ Uminom siya ng alak at nalasing at siya'y nakahigang hubad sa loob ng kanyang tolda.

²² At nakita ni Ham na ama ni Canaan ang kahubaran ng kanyang ama, at isinaysay sa kanyang dalawang kapatid na nasa labas.

²³ Kumuha sina Sem at Jafet ng isang balabal, inilagay sa balikat nilang dalawa, lumakad ng paatras, at tinakpan ang kahubaran ng kanilang ama. At ang mukha nila ay patalikod, at hindi nila nakita ang kahubaran ng kanilang ama.

²⁴ Nagising si Noe sa kanyang pagkalasing, at nalaman ang ginawa sa kanya ng kanyang bunsong anak.

Ang Sumpa Kay Canaan

²⁵ At kanyang sinabi,

²⁶ At sinabi niya,

²⁸ Nabuhay si Noe ng tatlong daan at limampung taon pagkaraan ng baha.

²⁹ Ang lahat ng naging araw ni Noe ay siyamnaraan at limampung taon. At siya ay namatay.