होशेय 7

Marathi Bible: Easy-to-Read Version

⁸ “एफ्राईम राष्ट्राबरोबर मिसळतो
    तो दोन्हीकडून न भाजलेल्या भाकरीप्रमाणे आहे.
⁹ परके एफ्राईमची शक्ती नष्ट करतात.
    पण एफ्राईमला ते कळत नाही.
त्याच्यावर पिकलेले केस पसरले आहेत.
    पण ते त्याला माहीत नाही.
¹⁰ एफ्राईमचा गर्व त्यांच्याविरुध्द
बोलतो लोकांना खूपच अडचणी आहेत,
    तेरी ते परमेश्वराकडे, त्यांच्या परमेश्वराकडे परत जात नाहीत.
    ते मदतीसाठी त्याच्याकडे पाहात नाहीत.
¹¹ म्हणजेच एफ्राईम मूर्ख पारव्याप्रमाणे बेअक्कल झाला आहे.
    लोकांनी मदतीसाठी मिसरला हाक मारली.
    ते मदत मागायला अश्शूरकडे गेले.
¹² ते मदतीसाठी त्या देशांकडे जातात खरे,
    पण मी त्यांना सापळ्यात पकडीन.
मी माझे जाळे त्यांच्यावर फेकीन,
    आणि जाळ्यात अडकलेल्या आकाशातील पक्ष्याप्रमाणे मी त्यांना खाली आणीन.
त्यांच्या करारांबद्दल मी त्यांना शिक्षा करीन.
¹³ ते त्यांच्या दृष्टीने वाईट आहे.
    त्यांनी माझा त्याग केला.
त्यांनी माझी आज्ञा पाळण्यांस नकार दिला म्हणून त्यांचा नाश होईल.
    मी त्या लोकांचे रक्षण केले पण ते माझ्याविरुध्द खोटे बोलतात.
¹⁴ मनापासून ते मला कधीही बोलावीत नाहीत.
    हो! ते त्यांच्या बिछान्यात रडतात
आणि धान्य व नवीन मद्य मागताना ते स्वतःला माझ्यापासून अलगच करतात
    मनाने ते माझ्यापासून दूर गेले आहेत.
¹⁵ मी त्यांना शिकवण दिली आणि त्यांचे हात बळकट केले.
    पण त्यांनी माझ्याविरुध्द दुष्ट बेत रचले आहेत.
¹⁶ ते मोडक्या धनूष्याप्रमाणे आहेत.
त्यांनी दिशा बदलल्या पण ते परत माझ्याकडे आले नाहीत.
    त्यांचे नेते त्यांच्या सामर्थ्याबद्दल बढाई मारतात.
पण ते तलवारीच्या वाराने मारले जातील.
    मग मिसरचे लोक त्यांना हसतील.