स्तोत्रसंहिता 57

Marathi Bible: Easy-to-Read Version

⁴ माझे जीवन संकटात आहे,
    माझ्याभोवती माझे शत्रू आहेत.
ते माणसे खाणाऱ्या सिंहाप्रमाणे आहेत.
    त्यांचे दात भाल्याप्रमाणे आणि बाणाप्रमाणे तीक्ष्ण आहेत
    आणि त्यांची जीभ तलवारीसारखी धारदार आहे.

⁵ देवा, तू स्वर्गापेक्षाही उंच आहेस
    आणि तुझी महिमा सर्व पृथ्वीवर पसरली आहे.
⁶ माझ्या शत्रूंनी माझ्यासाठी सापळा रचला.
    ते मला सापळ्यात पकडण्याचा प्रयत्न करतात.
मी त्यात पडेन परंतु शेवटी
    तेच त्या खड्‌यात पडतील.

⁷ परंतु देव मला सुरक्षित ठेवील.
    तो मला साहसी करील.
    मी त्याचे गुणगान गाईन.
⁸ माझ्या आत्म्या, जागा हो.
    सतारींनो आणि वीणांनो, तुमचे संगीत सुरु करा.
    आपण पहाटेला जागवू या.
⁹ माझ्या प्रभु, मी सर्वांकडे तुझी स्तुती करतो.
    मी सर्व देशात तुझ्या स्तुतीची गीते गातो.
¹⁰ तुझे खरे प्रेम आकाशातल्या सर्वांत उंचावरील ढगाहून उंच आहे.
¹¹ देव स्वर्गापेक्षा खूप गौरवी आहे.
    त्याचा महिमा सर्व पृथ्वीवर आहे.