यसायाह 21

Awadhi Bible: Easy-to-Read Version

एलाम, तू जा अउर जुद्ध करा!
    मादै, तू आपन फउजन लइके नगर क घेरि ल्या अउर ओका हरावा।
    मइँ उ बुराई क अन्त करब जउन उ नगर मँ बाटइ।

³ मइँ इ सबइ भयानक बातन लखेउँ अउर अब मइँ बहोत डेराइ गएउँ ह।
    डर क मारे पेट मँ दर्द होत अहइ।
    इ दर्द जच्चा क पीरा जइसा अहइ।
जउन बातन मइँ सुनत हउँ, उ सबइ मोका बहोत डेरावत अहइ।
    जउन बातन मइँ लखत हउँ, ओनके कारण मइँ डर क मारे काँपइ लागत हउँ।
⁴ मइँ चिन्तित हउँ अउर भय स थर-थर काँपत हउँ।
    मोर सुहावनी साँझ डर क रात बन गई ह।

⁵ लोगन सोचत हीं, सब कछू ठीक अहइ।
    लोग कहत हीं, “चौकी तइयार करा
    अउर ओह पइ आसन बिछावा, खा, पिआ।”
    किन्तु मोर कहब अहइ,
“मुखिया लोगो! खड़ा ह्वा अउर जुद्ध क तइयारी करा।”
    उहइ समय फउजी कहत अहइँ,
“पहरूअन क तैनात करा।
    अधिकारी लोगो, खड़ा होइ जा अउर आपन ढालन क झलकावा!”

फुन सँदेसवाहक कहेस,
    “बाबुल हार गवा,
    बाबुल धरती पइ ध्वस्त कीन्ह गवा।
ओकरे मिथ्या देवन क सबहिं मूरतियन धरती पइ लुढ़काइ दीन्ह गइन
    अउर उ सबइ चकनाचूर हो गइन ह।”

¹² पहरूआ कहेस,
    “भोर होइ क अहइ मुला राति फुन स आई।
अगर तोहका कउनो बात पूछब अहइ
    तउ लउट आवा अउर मोहसे पूछ ल्या।”